U Minsku ŭ najbližejšy čas źjavicca niekalki novych abjektaŭ, jakija pavinny zrabić horad bolš pryvabnym dla turystaŭ i ŭnieści raznastajnaść u haradskuju prastoru, raskazaŭ BiełTA dyrektar KUP «Minskaja spadčyna» Alaksandr Jacko.
Adzin z klučavych prajektaŭ — Piščałaŭski zamak (ci pa-narodnamu Vaładarka), dzie raniej raźmiaščałasia SIZA-1. Jaho płanujuć nie prosta adramantavać, a pieraŭtvaryć u šmatfunkcyjanalny kompleks.
Tam źbirajucca adkryć abjekty handlu i charčavańnia, pravodzić kulturnyja mierapryjemstvy, a taksama stvaryć muziej, pryśviečany historyi samoha kompleksu i jaho raźvićciu.
Jašče adzin kirunak — Łošycki park. Tam praciahvajecca adnaŭleńnie histaryčnaj zabudovy XIX stahodździa. U płanach adnavić młyn i pieratvaryć jaho ŭ restaran. Taksama płanujecca adnavić kaplicu, u jakoj budzie infarmacyjny centr. Mienavita adtul buduć pačynacca ekskursii pa parku, što pavinna zrabić jaho bolš strukturavanym i zručnym dla naviedvalnikaŭ.
Asobnaja navinka — terytoryja kala Pałaca sportu. Tam źjavicca 16 nievialikich niestacyjanarnych handlovych abjektaŭ. U ich raźmieściać punkty hramadskaha charčavańnia, buduć pracavać ramieśniki, a taksama adkryjucca infarmacyjnyja i zabaŭlalnyja zony. Takim čynam płanujecca stvaryć novaje miesca dla adpačynku ŭ centry horada i «stvaryć paŭnavartasnuju kankurencyju tak zvanym pryvatnym hastradvaram».
Akramia turystyčnych abjektaŭ, u horadzie taksama źjavicca novy śpiecyjalizavany archiŭny budynak płoščaj bolš za 20 tysiač kvadratnych mietraŭ. Jon pryznačany dla zachoŭvańnia archivaŭ Minska i dziaržaŭnych viedamstvaŭ i budzie abstalavany sučasnymi sistemami dla biaśpiečnaha zachoŭvańnia dakumientaŭ.
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary