Heta adkaz na adnabakovaje abviaščeńnie pieramirja Kramlom na 8 i 9 maja bieź nijakaha ŭzhadnieńnia z ukrainskim bokam.
«Na siońniašni dzień nie było nivodnaha aficyjnaha zvarotu da Ukrainy adnosna madalnaściaŭ spynieńnia bajavych dziejańniaŭ, pra jakija zajaŭlajecca ŭ rasijskich sacyjalnych sietkach. My ličym, što čałaviečaje žyćcio źjaŭlajecca nievymierna bolšaj kaštoŭnaściu, čym «śviatkavańnie» jakoj-niebudź hadaviny. U suviazi z hetym abjaŭlajem pra režym cišyni, pačynajučy z 00:00 u noč z 5 na 6 maja. Za čas, jaki majecca da hetaha momantu, realistyčna zabiaśpiečyć nastupleńnie cišyni. Budziem dziejničać lustrana, pačynajučy z ukazanaha momantu», — napisaŭ u sacsietkach prezident Ukrainy Uładzimir Zialenski.
Nieviadoma, ci dałučycca Rasija da pieramirja ŭ takim farmacie. Jano b dazvoliła Pucinu pravieści parad na 9 maja biez ekscesaŭ, ale addaje ŭ hetaj spravie inicyjatyvu ŭ ruki Ukrainy. Kali Rasija nie budzie vykonvać ukrainskaje pieramirje, to Ukraina maje poŭnaje maralnaje prava nie vykonvać rasijskaha — i mieć apraŭdańnie pierad prezidentam ZŠA Donaldam Trampam, jaki raniej padtrymaŭ ideju Pucina, vykazanuju jamu ŭ telefonnaj razmovie 29 krasavika, i navat nazvaŭ siabie jaho inicyjataram.
«Para rasijskim pravadyram rabić realnyja kroki dla zaviaršeńnia ich vajny, kali ŭžo rasijskaje Ministerstva abarony ličyć, što nie praviadzie parad u Maskvie biez dobraj voli Ukrainy», — adznačyŭ ukrainski lidar.
U Rasii abjavili pieramirje na 8 i 9 maja i pahražajuć udaryć pa centry Kijeva
Uładzimir Zialenski adkazaŭ na pytańnie, «ci ŭkrainskaja delehacyja palacić na parad u Maskvu»
U Maskvie zajavili, što ŭ Kijeva zhody na pieramirje nichto i nie pytajecca. Chapaje i rašeńnia Pucina
Tramp raskazaŭ pra «vielmi dobruju» razmovu z Pucinym i nazvaŭ siabie inicyjataram pieramirja
Pucin patelefanavaŭ Trampu i prapanavaŭ abjavić pieramirje «na pieryjad Dnia Pieramohi»
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1111
Kamientary