Try pasažyry kruiznaha łajniera ŭ Atłantycy zahinuli, imavierna, u vyniku ŭspyški zahadkavaha virusa
Što heta za chantavirus?
Suśvietnaja arhanizacyja achovy zdaroŭja paviedamiła pra hibiel troch pasažyraŭ kruiznaha łajniera, jaki pierasiakaŭ Atłantyku, u vyniku ŭspyški zachvorvańnia, u tym liku paćvierdžanaha vypadku chantavirusa — redkaj, ale patencyjna ciažkaj infiekcyi, piša «Dožd́» sa spasyłkaj na France 24.
Uspyška adbyłasia na sudnie MV Hondius, jakoje nakiroŭvałasia z Ušuaja (Arhiencina) na Kaba-Vierde.
Raniej u niadzielu Ministerstva achovy zdaroŭja Paŭdniovaj Afryki paviedamiła ahienctvu AFP pra ŭspyšku «ciažkaha vostraha reśpiratornaha zachvorvańnia», u vyniku jakoha zahinuli jak minimum dva čałavieki, a treci znachodzicca ŭ reanimacyi ŭ Jochanesburhu.
U pacyjenta, jaki prachodziŭ lačeńnie ŭ Jochanesburhu, byŭ vyjaŭleny chantavirus — siamiejstva virusaŭ, što vyklikajuć hiemarahičnuju lichamanku, paviedamiŭ pradstaŭnik Ministerstva achovy zdaroŭja PAR Foster Machale.
«Na siońnia łabaratorna paćvierdžany adzin vypadak zaražeńnia chantavirusam, i jašče piać vypadkaŭ znachodziacca pad padazreńniem», — paviedamiła Suśvietnaja arhanizacyja achovy zdaroŭja ahienctvu AFP.
«Z šaści paciarpiełych troje pamierli, a adzin ciapier znachodzicca ŭ reanimacyi ŭ Paŭdniovaj Afrycy».
U svajoj zajavie SAAZ adznačyła, što zaražeńnie chantavirusam «zvyčajna źviazana z uździejańniem navakolnaha asiarodździa (kantakt z mačoj abo fiekalijami zaražanych hryzunoŭ)».
«Choć heta i redkaść, chantavirus moža pieradavacca ad čałavieka da čałavieka i pryvodzić da ciažkich reśpiratornych zachvorvańniaŭ, jakija patrabujuć pilnaha nazirańnia za pacyjentam, akazańnia nieabchodnaj padtrymki i svoječasovaha reahavańnia».
Viadoma, što siarod zahinułych była siamiejnaja para (70 i 69 hadoŭ) ź Niderłandaŭ.
Zaraz łajnier MV Hondius, na borcie jakoha kala 170 pasažyraŭ i 70 členaŭ ekipaža, znachodzicca kala porta Praja — stalicy Kaba-Vierde. Miedyki vyrašajuć pytańnie pra mahčymuju izalacyju jašče dvuch chvorych turystaŭ u miascovaj klinicy.
Asobnaj vakcyny i supraćvirusnych preparataŭ ad chantavirusa niama — miedyki mohuć tolki padtrymlivać žyćcio pacyjenta: padklučać da aparataŭ štučnaj vientylacyi lohkich, stavić kropielnicy. Śmiarotnaść pry ciažkaj lohačnaj formie dasiahaje 40%, a ad pieršych prykmiet chvaroby da śmierci časam prachodzić usiaho niekalki sutak.
-
Jeŭrapiejskija čynoŭniki zładzili demarš suprać ministra finansaŭ Rasii na sustrečy MVF u Banhkoku
-
Słavakija i Vienhryja admovilisia finansavać novuju pazyku Ukrainie ad ES na 2027 hod
-
Nivodzin ź siami kandydataŭ na pasadu hienieralnaha sakratara AAN nie atrymaŭ padtrymki ŭsich pastajannych členaŭ Rady biaśpieki
Ciapier čytajuć
Hety małady biełarus stajaŭ la vytokaŭ ChatGPT. Voś što jon zrabiŭ3
Kamientary