Prapahanda raskazała, ci zvolnili majora milicyi, jakoha zatrymali na «Hukańni viasny» ŭ Homieli
Na navinu pra toje, što siarod zatrymanych na «Hukańni viasny» ŭ Homieli byŭ staršy ŭčastkovy inśpiektar Viktar Šypkoŭ, uznaharodžany Łukašenkam premijaj «Za duchoŭnaje adradžeńnie», adreahavaŭ nieaficyjny kanał homielskich siłavikoŭ, piša «Fłahštok».
«Nasupierak prahnozam ekstremisckich prapahandystaŭ, što režym lutuje i represuje ŭsich biez razboru, «uznaharodžvajučy» administracyjnymi pratakołami — učastkovy inśpiektar milicyi niasie słužbu ŭ zvyčajnym paradku», — paviedamiŭ kanał i vykłaŭ pazityŭnaje videa z Šypkovym, da jakoha śpiecyjalna pryjazdžaŭ apieratar.
U publikacyi niama pramoha abviaržeńnia infarmacyi ab tym, što milicyjant atrymlivaŭ štraf — śćviardžajecca tolki, što jon pa-raniejšamu pracuje ŭ RAUS.
«Tvorčaje chobi i zachapleńni milicyjaniera i jaho siamji, adznačana na samym vysokim uzroŭni, kiraŭnictva viedamstva hanarycca sapraŭdnym patryjotam i čałaviekam ź vialikaj litary!» — havorycca ŭ paviedamleńni.
Heta moža aznačać, što takuju pazicyju zaniali niepasredna ŭ vierchavinie MUS, dzie vyrašali los Šypkova.
Post zaviaršaje śćvierdžańnie: «Supracoŭnik milicyi ŭ luboj situacyi i pry lubych abstavinach zastajecca supracoŭnikam milicyi!»
U dačynieńni da situacyi z praviadzieńniem «Hukańnia viasny» fraza vyhladaje jak dziŭny namiok.
Homielskaja žurnalistka Łarysa Ščyrakova, byłaja palitźniavolenaja, jakuju prymusova vyvieźli adrazu paśla vyzvaleńnia za miažu, raspaviała «Fłahštoku», što jaje staŭleńnie da Šypkova dvajakaje. Z adnaho boku jon vyklikaje pavahu: za zachavańnie i papularyzacyju narodnaj kultury i rekanstrukcyju abradaŭ, zbor etnahrafičnych artefaktaŭ.
Ź inšaha boku — ličyć jaho viernym słuhoj sistemy.
U 2020 hodzie mienavita Šypkoŭ u składzie hrupy milicyjantaŭ pravodziŭ nieabhruntavanaje zatrymańnie pa palityčnych matyvach Łarysy Ščyrakovaj, niepravamierna ŭtrymlivaŭ jaje ŭ adździaleńni milicyi na praciahu 7 hadzin. Zatym Šypkoŭ uvieś čas naviedvaŭ žurnalistku z metaj «prafiłaktyčnych hutarak».
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
Nu a pra etnastaličnaść Babariko, Kaleśnikovoj, ...što skažacie?