Алімпійскі чэмпіён Арамнаў: Нам выгадная працяглая вайна, і Вова ды Саша ў ёй перамогуць
На расійскім сайце Sports.ru з'явілася інтэрв'ю з алімпійскім чэмпіёнам 2008 года па цяжкай атлетыцы Андрэем Арамнавым з Барысава, які пасля свайго алімпійскага трыумфу трапляе на старонкі прэсы пераважна праз розныя скандальныя сітуацыі, звязаныя з ужываннем алкаголю і наркотыкаў. Сярод іншага былы спартсмен выказаўся па актуальных палітычных праблемах сучаснасці.
У вайне ва Украіне Арамнаў стаіць цалкам на баку Масквы, з якой цалкам сябе асацыюе. Ён гаворыць:
«Нам выгадная працяглая вайна. З намі ваюе вельмі вялікая колькасць дзяржаў, і яны вельмі сур'ёзна нам прайграюць. Мы выцягваем з іх грошы, яны вельмі шмат трацяць. Калі мы пачнем прайграваць, то бахнем па іх парай [ядзерных бомбаў] і яны перастануць існаваць. Вова і Саша перамогуць у Трэцяй сусветнай, яны адзіныя, хто зможа гэта. Так і запішыце для гісторыі мае словы. Мы скончым вялікай перамогай, асабліва калі пойдзе Трамп».
Пры гэтым ён не разумее,
«чаму ўкраінцам саміх сябе не шкада. Я вельмі люблю Украіну, усёй душой і целам, мне падабалася там адпачываць, там класныя людзі. Але яны трапілі ў супрацьстаянне ўсяго свету супраць Расіі. Дарэмна яны на гэта пайшлі. Трэцяя сусветная пачынаецца за кошт украінцаў. Так крыўдна і шкада людзей».
Кумірам для яго застаецца і Аляксандр Лукашэнка:
«На мяне ў 2020 годзе, калі быў бунт у Беларусі, абрынулася ўся краіна, калі я сказаў, што Сашу нікому не перамагчы, бо ён сур'ёзны лідар. Без яго ў нас была б задніца. Мы павінны маліцца на Аляксандра Рыгоравіча. Без яго ў нас было б горш, чым ва Украіне. Лукашэнка — красаўчык, дай Бог яму шчасця. Аляксандр Рыгоравіч — круты. Ніхто супраць яго нічога не зробіць, ніхто з ім не параўнаецца».
Тым не менш, нягледзячы на такую адданасць, на працу ў зборнай Беларусі па цяжкай атлетыцы Арамнава чамусьці не запрашаюць — і дарма, бо такіх адмыслоўцаў ва ўсім свеце можна пералічыць па пальцах:
«Думаю, што знаходжуся ў дзясятцы найлепшых спецыялістаў на планеце Зямля. Можа быць, і ў топ-5 ці нават у топ-1. У фармакалогіі разумеюць многія, але мала хто разбіраецца ў тэхніцы і біямеханіцы, рухах цела. У зборнай у нас цяпер поўнае гаўно, таму што ніхто не разбіраецца ў біямеханіцы. Яны лічаць, раз у цябе рукі моцныя, то ты павінен хадзіць ледзь не на руках! Я ведаю, як карыстацца рычагамі. Вось настолькі я амбіцыйны!»
Але пакуль гэтага не зразумелі і не ацанілі — даводзіцца зарабляць на жыццё кансультацыямі анлайн, і выходзіць нібыта нават някепска:
«Займаюся прафілактыкай траўмаў і аднаўленнем — гэта вельмі сур'ёзныя грошы. Калі ў вас траўма, якая падлягае аднаўленню, я магу ўсё параіць. Ганарары залежаць ад запушчанасці траўмы і колькасці сеансаў. 200 даляраў — і я пачну з вамі размаўляць. Калі вы ў Беларусі, то гатовы даць кансультацыю за 50 рублёў або наогул бясплатна».
«Крыва пакурыў». Алімпійскага чэмпіёна Арамнава затрымалі, збілі і адпусцілі з ІЧУ з крыміналкай
Алімпійскі чэмпіён Андрэй Арамнаў паехаў з Беларусі ў Бразілію. Чым ён там будзе займацца?
Алімпійскі чэмпіён Арамнаў: Міліцыянер павінен быць у форме. Ціхарам, якія хапаюць людзей, варта адказваць іх жа метадамі
Вы ніколі не здагадаецеся, за каго паставіў подпіс алімпійскі чэмпіён Арамнаў. Не, не Бабарыка
Арамнаў: Па жыцці я бізнэсмен, толькі грошай няма
Алімпійскі чэмпіён Андрэй Арамнаў: З мяне зрабілі нейкага вырадка… І тады я стаў вырадкам і рабіў усё, што хацеў
Цяпер чытаюць
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары