Іран за месяц вайны нарасціў экспарт нафты, адначасова абмежаваўшы канкурэнтаў
Падчас вайны на Блізкім Усходзе Іран значна павялічыў экспарт нафты, адначасова фактычна абмежаваўшы праход іншых пастаўшчыкоў праз Армузскі праліў, піша Bloomberg на падставе даных аб адсочванні суднаў.
Агульная колькасць суднаў, што праходзяць праз праліў, у сакавіку рэзка скарацілася — з каля 135 у дзень да менш чым шасці. Пры гэтым большасць танкераў, якія ўсё ж вывозяць нафту з Персідскага заліва, звязаныя з Іранам або яго партнёрамі.
Нягледзячы на бамбардзіроўкі з боку ЗША і Ізраіля, Іран нават павялічыў здабычу і экспарт: у сярэднім да 1,8 мільёна бараляў у суткі, што больш, чым летась. Дадаткова паўплывала і змякчэнне амерыканскіх санкцый, дзякуючы чаму іранская нафта працягвае пастаўляцца, галоўным чынам у Кітай.
Вайна таксама прывяла да рэзкага росту сусветных цэн на нафту: марка Brent падаражэла амаль на 60% з пачатку сакавіка. У выніку Іран значна павялічыў даходы — прыкладна да 139 мільёнаў даляраў у дзень.
Акрамя таго, Іран узмацніў кантроль над пралівам і пачаў патрабаваць ад некаторых суднаў аплату і інфармацыю пра груз і экіпаж. Разглядаецца нават увядзенне афіцыйнага закона, які абавязвае ўсе караблі плаціць за праход.
Такім чынам, на фоне канфлікту Іран не толькі захаваў, але і ўмацаваў свае пазіцыі на нафтавым рынку, стаўшы адным з галоўных эканамічных бенефіцыяраў сітуацыі.
Трамп прыгразіў разбамбіць дазвання Іран, калі не будзе прагрэсу на перамовах
Праз сітуацыю на Блізкім Усходзе Егіпет уводзіць надзвычайныя меры па эканоміі паліва і электраэнергіі
Пентагон рыхтуе наземную аперацыю ў Іране
Новы фронт іранскай вайны: хусіты пагражаюць пастаўкам нафты
Краіны Персідскага заліва пачынаюць сумнявацца ў гарантыях ЗША
Каментары
"Пастаўкі расійскай нафты ў Індыю абрынуліся да мінімуму за апошнія 4 гады"
- NN