Паведамленні, што ў кабіне пілотаў на борце з Дубая ў Тэль-Авіў пабіліся расіянін і ўкраінец, аказаліся фэйкам
Адзін пілот быў грамадзянінам ААЭ, а другі пілот — аманцам, якога падазраюць у спробе разбіць самалёт, піша Ynet.
Першапачаткова медыя са спасылкаю на 12‑ы ізраільскі канал паведамлялі, што ў кабіне самалёта FlyDubai, які рэзка страціў вышыню, пабіліся расійскі і ўкраінскі пілоты. Аднак цяпер паведамляецца, што адзін пілот быў грамадзянінам ААЭ, а другі пілот — аманцам, якога падазраюць у спробе разбіць самалёт.
Паводле выдання Ynet, другі пілот з Амана напаў на эмірацкага камандзіра паветранага судна і параніў яго нажом. Следчыя мяркуюць, што ён мог паспрабаваць захапіць кіраванне і разбіць Boeing 737 MAX 8 са 174 пасажырамі, сярод якіх былі 27 дзяцей.
Спыніць нападніка, як сцвярджаецца, дапамаглі члены экіпажа, схаваны супрацоўнік бяспекі і некалькі пасажыраў. Іншыя пілоты, якія ляцелі гэтым рэйсам як пасажыры, дапамаглі пасадзіць самалёт.
Адна з пасажырак расказала тэлеканалу i24NEWS:
«Мы пачулі крыкі. Калі адчынілі кабіну, убачылі шмат крыві. Нехта ўдарыў пілота сцізорыкам».
Падчас інцыдэнту самалёт рэзка знізіўся прыкладна з 10 да 4,3 кіламетра. Экіпаж перадаў спачатку агульны сігнал бедства 7700, а пасля код 7500, які азначае незаконнае ўмяшанне або захоп самалёта.
Борт, які ляцеў з Дубая ў Тэль-Авіў, развярнуўся і бяспечна прызямліўся ў Табуку ў Саудаўскай Аравіі. У FlyDubai пацвердзілі «інцыдэнт падчас палёту», але пакуль не раскрылі яго падрабязнасцяў. Усе пасажыры засталіся жывыя.
Ізраільскія сілавікі цяпер разглядаюць здарэнне як магчымы тэракт. Канчатковы матыў другога пілота пакуль не ўстаноўлены: правяраюцца як ідэалагічная, так і псіхалагічная версіі.
Афіцыйная версія не агучвалася.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
Зразумела, халяліст.
Поўня была на днях, прачытаў фетву на смерць [Рэд. Выдалена] і наперад.
[Зрэдагавана]