Беларускі палітуцякач Леў Міхееў, якога на мінулым тыдні пасля затрымання выслалі з Грузіі ў Арменію, будзе прасіць прытулку ў гэтай краіне. Пра гэта выданню «Позірк» паведаміў праваабаронца Раман Кісляк.
Паводле слоў Рамана Кісляка, Міхееву ўжо ўдалося знайсці адносна недарагое жыллё, і цяпер ён паступова ўладкоўвае свой побыт. Пры гэтым цэны арэнды ў Арменіі апошнім часам прыкметна выраслі праз прыезд грамадзян Расіі, якія асцерагаюцца новай хвалі мабілізацыі для вайны супраць Украіны.
У Арменіі Міхеева таксама затрымалі, паколькі ён знаходзіцца ў базе вышуку СНД па запыце Мінска. Аднак неўзабаве яго вызвалілі. Арменія не выдае іншаземцаў, якіх на радзіме пераследуюць па палітычных матывах.
Пасля 2020 года Грузія стала адной з краін, куды пераязджалі беларусы, якія сутыкнуліся з пераследам або асцерагаліся рэпрэсій на радзіме. У краіне можна знаходзіцца без візы да 365 дзён запар.
Аднак за ўвесь гэты час грузінскія ўлады не задаволілі ніводнага хадайніцтва беларусаў аб наданні прытулку. Міхееў беспаспяхова дамагаўся яго на працягу пяці гадоў. Канчаткова яму адмовілі 29 чэрвеня 2026 года, вынікае з паведамлення Міністэрства ўнутраных спраў Грузіі.
Арменія ж, у адрозненне ад Грузіі, дае прытулак грамадзянам Беларусі.
«Ведаеце, Лукашэнка не прэзідэнт». Яны так усміхнуліся, кіўнулі». Дэпартаваны з Грузіі Леў Міхееў расказаў, як з ім абыходзіліся ў Арменіі
Беларуса Льва Міхеева вызвалілі ў Арменіі пасля затрымання
Затрыманага ў Грузіі беларуса выслалі ў Арменію, дзе яго таксама затрымалі
У Грузіі затрымалі беларуса, які пяць гадоў чакае на палітычны прытулак
Каментары