Учора ў Мінску ў чарговы раз давалі спектакль «Запіскі юнага доктара» ад Тэатра лялек. Паказвалі яго на сцэне Дома афіцэраў. Квіткі на гэты спектакль Яўгена Карняга імгненна раскупляюцца, таму, каб больш людзей маглі на яго трапіць, паказы пераносяць у большую залу.
Але адзін з учорашніх гледачоў падзяліўся, што многія людзі сышлі са спектакля, не даседзеўшы да канца.
«Рэч не ў самой пастаноўцы. Першы акт 2.10 людзі вытрымалі (хоць можна было пару сцэн і скараціць), сышлі пасля антракту 40‑60 гледачоў, таму што ў зале люты холад і скразнякі. Квіткі не купіць на пастаноўку, але, калі наступіў доўгачаканы дзень спектакля, у халоднай зале немагчыма сядзець»,
— напісаў мужчына ў трэдс.
«Учора былі на спектаклі, 5 шэраг, рэальна дубак быў, у фае было значна цяплей, большая частка людзей у антракце пайшла ў гардэроб», — пішуць у каментарах.
Падобная сітуацыя, калі гледачы мерзнуць на спектаклі, не ўпершыню. Так, узімку падчас паказу ў Доме прафсаюзаў людзі сядзелі ў куртках. І таксама не ўсе змаглі даглядзець.
«Я сышла з прафсаюзаў менавіта таму што замерзла, хоць і спектакль быў добры. Маё здароўе мне даражэйшае», — піша адна з глядачак у каментарах.
Але некаторыя заўважаюць, што частка людзей сыходзіць і таму, што не ацаніла спектакль.
«Сыходзяць таму што спектакль цяжкі, а ён распіяраны, і ідуць усе, каму не лянота. Хто не чытаў Булгакава, хто яго не любіць, ідуць проста таму, што можна пахваліцца — во, я дастаў квіткі. Або вядуць акультурвацца сваякоў. Такі сядзеў побач з намі на «Хутары». Увесь спектакль у тэлефоне, яркасць не выключыў, глядзеў там навіны, надвор'е, а яго жонка нават агрызалася, калі папрасілі яркасць зменшыць».
Блогерка Ганна Бонд салідарная:
«З пастаноўкі сыходзяць усе выпадковыя людзі, што прыйшлі з-за хайпу. Людзі, якія ведалі, па што ідуць, дагледзелі да канца. Натуральнае сартаванне. І так, глядзець лепш у камернай зале, але ўжо калі здарылася, то гледачу трэба вывучаць пытанне, куды і навошта ён ідзе. Глядзела «Запіскі» 2 разы, выдатны спектакль».
Цяпер чытаюць
Зяленскі: Рэтранслятары на мяжы Беларусі прыпынілі працу72
Каментары
з Ганна Бонд салідарна
сыходзяць слабакі
а што, калі, не дай бажэ, вайна 😱
Вельмі акультураная жанчына, якая двух слоў без трох матаў напісаць не можа.
Падаецца, што яе "культура" - панты адныя. Ці цяпер культура такая...