Ціханоўская: Мы заклікаем ЗША не ціснуць на Літву наконт санкцый
«Калі санкцыі адносна калійных угнаенняў будуць адмененыя, гэта толькі ўмацуе рэжым», — мяркуе дэмакратычная лідарка.
Святлана Ціханоўская кажа, што пастаянна падтрымлівае сувязь з партнёрамі ў ЗША і заклікае іх не аказваць ціск на краіны ЕС дзеля змякчэння санкцый супраць Беларусі, паведамляе BNS.
«Мы пастаянна камунікуем з амерыканскімі партнёрамі і заклікаем іх не аказваць ціск на краіны ЕС, у першую чаргу на Літву, каб гэтыя краіны адменілі еўрапейскія санкцыі», — у панядзелак у Сейме журналістам сказала Ціханоўская.
«Усе разумеем, што калі, напрыклад, санкцыі адносна калійных угнаенняў будуць адмененыя, гэта толькі ўмацуе рэжым, дасць больш сродкаў для рэпрэсій і вайны ва Украіне», — дадала яна.
Ціханоўская таксама заклікала еўрапейскіх партнёраў захоўваць паслядоўнасць і не капіяваць палітыку прэзідэнта Трампа адносна Лукашэнкі, пасля таго як ЕС увёў санкцыі супраць Мінска за дапамогу Расіі ў вайне супраць Украіны.
«Прэзідэнт Трамп мае дастатковую ўплывовасць, каб дапамагчы беларусам вызваліць усіх палітвязняў. Але просім еўрапейцаў захаваць моцныя карты для больш важных крокаў, бо вызваленне палітвязняў — наш прыярытэт, аднак наша задача — вызваліць усю краіну», — сказала яна.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў13
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары