Vialikabrytanija inicyjavała stvareńnie mižnarodnaj kaalicyi dla razbłakavańnia Armuzskaha praliva
Vialikabrytanija inicyjavała stvareńnie šyrokaj mižnarodnaj kaalicyi z udziełam kala 35 krain dla taho, kab adnavić i harantavać biaśpieku sudnachodstva ŭ Armuzskim pralivie — adnym z klučavych maršrutaŭ dla transpartu nafty i inšych hruzaŭ, paviedamlaje Financial Times.
Jak paviedamlajecca, na najbližejšych pieramovach buduć abmiarkoŭvacca jak palityčnyja, tak i vajennyja miery, jakija mohuć dapamahčy adkryć praliŭ i harantavać biaśpiečny ruch sudnaŭ paśla spynieńnia bajavych dziejańniaŭ. U pieramovach voźmuć udzieł ministry zamiežnych spraŭ, a taksama vajskovyja pradstaŭniki, jakija razhledziać mahčymyja dziejańni vajskova-marskich sił.
Da abmierkavańniaŭ dałučylisia roznyja krainy, u tym liku Francyja, Niderłandy i dziaržavy Piersidskaha zaliva. Razhladajucca roznyja varyjanty dziejańniaŭ: supravadžeńnie handlovych sudnaŭ vajskovymi karablami, raźminavańnie praliva i inšyja miery abarony ad mahčymych napadaŭ.
Inicyjatyva vyhladaje jak anałah raniej stvoranaj kaalicyi dla padtrymki biaśpieki Ukrainy. Adnak u Jeŭropie raniej nieachvotna stavilisia da idei nakiravańnia svaich vajskova-marskich sił u rehijon, ale z-za abvastreńnia situacyi i enierhietyčnaha kryzisu pazicyja pačała źmianiacca.
Pry hetym kaalicyja nie budzie aficyjna dziejničać u ramkach NATA, i ŭ jaje ŭvojduć jak krainy-členy aljansu, tak i inšyja dziaržavy.
Asablivuju rolu ŭ inicyjatyvie mohuć adyhrać Abjadnanyja Arabskija Emiraty, jakija aktyŭna zaklikajuć inšyja krainy abjadnacca i navat razhladajuć mahčymaść siłavoha razbłakavańnia praliva. Razam z Bachrejnam jany sprabujuć inicyjavać u Radzie Biaśpieki AAN rašeńnie, jakoje dało b mižnarodny mandat na takija dziejańni.
Adnak farmavańnie takoj kaalicyi sutykajecca ź ciažkaściami, bo krainy hatovyja ŭdzielničać pa-roznamu: adnyja prapanujuć karabli dla raźminavańnia, ale nie hatovyja zabiaśpiečvać ich achovu inšymi vajennymi siłami.
Premjer-ministr Vialikabrytanii padkreśliŭ, što pierad udzielnikami staić składanaja zadača — zabiaśpiečyć svabodnaje i biaśpiečnaje sudnachodstva, abaranić sudny i marakoŭ, a taksama adnavić transpart žyćciova važnych hruzaŭ.
Jon taksama adznačyŭ, što navat pry źnižeńni napružanaści niama harantyi, što praliŭ budzie biaśpiečna adkryty, bo hałoŭnaj prablemaj zastajecca mienavita biaśpieka ruchu sudoŭ u rehijonie.
«Ja zaŭsiody viedaŭ, što jany papiarovy tyhr». Tramp zajaviŭ, što razhladaje mahčymaść vychadu z NATA
«Uzrovień entuzijazmu dla mianie maje značeńnie». Tramp zhadaŭ pra krainy, jakija nie chočuć dapamahać jamu ŭ Armuzskim pralivie
Tramp zajaviŭ, što nie choča pieramirja ź Iranam, i znoŭ abrynuŭsia na sajuźnikaŭ pa NATA
AAE hatovyja dapamahać ZŠA siłaj adkryć Armuzski praliŭ
Tramp zajaviŭ, što Iran źviarnuŭsia da jaho z prośbaj spynić ahoń
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja5
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary