Sankcyi suprać rasijskaj nafty byli ŭviedzieny ŭ suviazi z vajnoj va Ukrainie. Dazvoł vydadzieny na 30 dzion.
ZŠA časova vyvieli z-pad sankcyj prodaž rasijskaj nafty i naftapraduktaŭ, jakija transpartujucca tankierami.
ZŠA vyvieli z-pad svaich sankcyj prodaž nafty i naftapraduktaŭ z Rasii, zahružanych na tankiery da 12 sakavika.
U čaćvier ZŠA vydali novuju hienieralnuju licenziju, źviazanuju z Rasijaj, jakaja dazvalaje prodaž rasijskaj syroj nafty i naftapraduktaŭ, zahružanych na sudny, da 11 krasavika, paviedamlaje Reuters sa spasyłkaj na Ministerstva finansaŭ ZŠA.
Sankcyi suprać rasijskaj nafty byli ŭviedzieny ŭ suviazi z vajnoj va Ukrainie.
Ministr finansaŭ ZŠA Skot Biesent zajaviŭ, što krok pa dazvole ŭ dačynieńni da rasijskaj nafty pavinien pryvieści da stabilizacyi suśvietnych enierhietyčnych rynkaŭ u vyniku vajny suprać Irana, piša Reuters.
Biesent paviedamiŭ u sacyjalnaj sietcy Ch, što hetaja «vuzkaśpiecyjalizavanaja, karotkaterminovaja miera» datyčycca tolki nafty, jakaja ŭžo znachodzicca ŭ šlachu, i nie pryniasie istotnaj finansavaj vyhady ŭradu Rasii.
U sieradu bolš za 30 krain, u tym liku ZŠA, abviaścili pra vydzialeńnie 172 młn baralaŭ nafty sa svaich stratehičnych reziervaŭ. Adnak na fonie raźvićcia vajny ZŠA i Izrail ź Iranam cana nafty napiaredadni znoŭ dasiahnuła 100 dalaraŭ za baral — na takim uzroŭni jana handlavałasia čatyry hady tamu.
Zhodna z tekstam licenzii, apublikavanym na sajcie Ministerstva finansaŭ ZŠA, dazvalajucca pastaŭka i prodaž rasijskaj syroj nafty i naftapraduktaŭ, zahružanych na sudny pačynajučy z 12 sakavika; licenzija budzie dziejničać da 00:00 11 krasavika.
5 sakavika Ministerstva finansaŭ ZŠA dało Indyi 30‑dzionnuju adterminoŭku, dazvoliŭšy kuplać rasijskuju naftu, jakaja zatrymałasia ŭ mory. Korpus vartavych isłamskaj revalucyi zajaŭlaŭ, što zabłakuje pastaŭki nafty ŭ Piersidski zaliŭ, kali ataki ZŠA i Izrail nie spyniacca.
Biesent napisaŭ u X, što prezident ZŠA Donald Tramp robić rašučyja kroki dla zabieśpiačeńnia stabilnaści na suśvietnych enierhietyčnych rynkach i «pracuje nad padtrymlivańniem nizkich cen», adnačasova supraćdziejničajučy pahrozie z boku Irana.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu8
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5858
Kamientary
I što zaminała, kali zadača nasamreč stabilizavać rynki, vytarhavać z Rasiei niešta ŭzamien? Abo ŭvieści inšyja sankcyi ŭzamien, mabyć, časova? Dzie tut raśpijaranaje majsterstva ździełki? Prosta zrabić krok nazad heta nie ździełka.
Vyhladaje jak pastupovaje pašyreńnie "akna Oviertana", pastupovaje "varyć žabu pavolna". Z chaŭruśnika Ukrainy i Jeŭropy ZŠA pad Trampam stali amal niejtralnymi ź niekatorymi zachodami ŭžo na baku Rasiei (voś hetaje źniaćcie sankcyj, cisk na Ukrainu dla zdačy terytoryj).