«Jon žyvy ŭ niejkaj formie, razumiejecie», — skazaŭ prezident ZŠA.
Prezident Donald Tramp zajaviŭ, što, na jaho dumku, novy viarchoŭny lidar Iran Madžtaba Chamieniei, baćku jakoha — byłoha viarchoŭnaha lidara Ali Chamieniei — zabili ŭ pieršy dzień vajny, žyvy, ale «paranieny».
Irancy nie bačyli Chamieniei z momantu jaho abrańnia ŭ niadzielu duchoŭnaj asamblejaj, a jaho pieršyja kamientary ŭ čaćvier začytvaŭ televiadučy.
U pryvatnaści, adzin iranski čynoŭnik paviedamiŭ Reuters, što novapryznačany viarchoŭny lidar atrymaŭ lohkija ranieńni, ale praciahvaje vykonvać svaje abaviazki paśla taho, jak dziaržaŭnaje telebačańnie apisała jaho jak paranienaha na vajnie.
«Ja dumaju, što jon, vierahodna, žyvy. Ja dumaju, što jon paranieny, ale, chutčej za ŭsio, jon žyvy ŭ niejkaj formie, razumiejecie», — skazaŭ Donald Tramp u intervju prahramie The Brian Kilmeade Show na kanale Fox News.
U Reuters nahadali, što ŭ svaich pieršych zajavach Modžtaba Chamieniei paabiacaŭ trymać zakrytym Armuzski praliŭ i zaklikaŭ susiednija krainy zakryć amierykanskija bazy na svajoj terytoryi, inakš Iran moža nacelicca na ich.
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary