Aršanski jabaćka nie dajšoŭ praź śnieh da ściaha na płoščy i ciapier skardzicca na kamunalnikaŭ
Praŭładny błohier z Oršy Dźmitryj, pakazaŭ, u jakim stanie znachodzicca płošča Ściaha ŭ horadzie. Jak vynikaje ź jahonaha rolika, da miesca tak i nie dabralisia kamunalnyja słužby. Praz heta adpaviedna da ściaha ŭ centry płoščy nie zmoh dabracca sam błohier, piša BGMedia.
«Što heta z našaj płoščaj dziaržaŭnaha ściaha? Čamu jana ŭsia zasypanaja śnieham? Siońnia ŭ nas 28 studzienia, a na płošču nie dabracca nijak. A heta Park hierojaŭ. Tut Ladovaja arenda. I naohuł, čamu nie prybirajuć — nie zrazumieła», — zadajecca pytańniem Dźmitryj.
płoŝad́ hosudarstviennoho fłaha v horodie Orša 28.01.2026
Raniej na ŭźviadzieńnie Parka pracoŭnaj słavy sa stełaj, fłahštokam i płoščaj Dziaržaŭnych simvałaŭ u Oršy vydali vialikija hrošy. Adzin fłahštok abyšoŭsia 2 miljony 60 tysiač rubloŭ, i heta jašče nie kančatkovaja suma.
U kamientarach pad videa praŭładnaha błohiera razharnułasia aktyŭnaje abmierkavańnie. Šmat chto ź biełaruskich karystalnikaŭ nie padtrymaŭ jahonych narakańniaŭ i pačaŭ zadavać aŭtaru niazručnyja pytańni. Niekatoryja navat ź ironijaj paraili jamu nie aburacca, a ŭziać šufiel i prybirać śnieh samastojna.
Ludzi cikavilisia, ci sapraŭdy, na jahonuju dumku, treba spačatku čyścić płoščy, a ŭžo paśla zajmacca darohami, tratuarami, prypynkami, padjezdami da balnic, paliklinik, dziciačych sadkoŭ i škoł. Inšyja pytalisia, dzie jon byŭ u toj čas, kali ŭsie prybirali śnieh, i čamu nie pryjšoŭ dapamahčy.
Akramia taho, mnohija kamientatary dałučylisia da ahulnaj krytyki pracy kamunalnych słužbaŭ. Chtości ź ironijaj zaŭvažyŭ, što ŭsia prablema — u tak zvanaj «aptymizacyi». Inšyja paraŭnoŭvali situacyju ź minułymi hadami, adznačajučy, što raniej darohi i chodniki ŭ horadzie prybirali značna chutčej i jakaśniej, a ciapier situacyja vyhladaje jak sucelny chaos. Niekatoryja vykazvalisia jašče bolš rezka, zajaŭlajučy, što sioleta ŽKH nie spraviłasia praktyčna nidzie.
U Viciebsku zaŭvažyli tramvaj-śniehazborščyk VIDEA
«Prosta lusterka». Biełarusy pakazali, u što pieratvaryŭ darohi cykłon ź ledzianym daždžom
Jašče ŭ adnym horadzie adbyłasia avaryja na ciepłatrasie, dziasiatki damoŭ zastalisia biez aciapleńnia
U minskim šmatpaviarchoviku razam ź ledziašami źbili i kandycyjanier VIDEA
Ciapier čytajuć
Kaledž chacieŭ zasudzić studenta i spahnać ź jaho 13 tysiač rubloŭ — ale junak daŭ adpor sistemie4
Kamientary