U centry Vilni znoŭ źjaviŭsia nadpis «Vilnia naša» pa-biełarusku
Nadpis taki ž, jak i raniejšyja pravakacyjnyja nadpisy — padobnyja i farba, i asablivaści napisańnia. Biełarusy tak litaraŭ nie pišuć.
Zdymak śviežaha nadpisu na budynku ŭ centry Vilni pa adrasie Bokšta, 4 byŭ apublikavany ŭ adnym z čataŭ.
Maniera napisańnia maje tyja ž asablivaści, što i raniej: litary «š» i «ł» napisanyja tak, jak pišuć ich ludzi, jakija karystajucca łacinicaj i nie viedajuć kirylicy.
U minułyja hady na roznych budynkach u centry Vilni i na ŭjeździe ŭ horad źjaŭlalisia padobnyja nadpisy.
Chutčej za ŭsio, nadpis zrobleny na zamovu biełarusafobaŭ, jakija raspalvajuć nianaviść u miascovych da biełarusaŭ. Papiarednija zvaroty ŭ palicyju z hetaj nahody nijakaha plonu nie prynieśli, nichto praz hetyja nadpisy nie byŭ zatrymany. Raniej «Naša Niva» pisała, jak zamaŭlajuć takija hrafici («padpracoŭka 2‑3 hadziny, 50 jeŭra») i jak u Vilni šukajuć ludziej, hatovych za hrošy špijonić za litoŭskimi śpiecsłužbami i zdymać akcyi biełarusaŭ.
Kamientary