Ministr zamiežnych spraŭ Kuby Bruna Radryhies abviaściŭ ab «mižnarodnym nadzvyčajnym stanoviščy» z-za abastreńnia adnosin z ZŠA. Pra heta jon napisaŭ u sacsietcy X.
«Narod Kuby, pry salidarnaści mižnarodnaj supolnaści, ličyć, što situacyja ŭ dačynieńni da ŭrada ZŠA ŭjaŭlaje niezvyčajnuju i nadzvyčajnuju pahrozu», i tamu ŭłady krainy abviaščajuć «mižnarodnaje nadzvyčajnaje stanovišča» ŭ suviazi z hetym, napisaŭ Radryhies.
Pavodle zajavy, takaja palityka ŭ dačynieńni da Kuby pachodzić ad «antykubinskaha nieafašysckaha pravaha kryła ZŠA». Akramia hetaha, na jaho dumku, situacyja ŭjaŭlaje «pahrozu nacyjanalnaj biaśpiecy i źniešniaj palitycy ŭsich krain, mižnarodnamu miru i biaśpiecy, a taksama vyžyvańniu čałaviectva pierad abliččam jadziernaj pahrozy i źmianieńnia klimatu».
Napiaredadni prezident ZŠA Donald Tramp padpisaŭ ukaz ab uviadzieńni nadzvyčajnaha stanovišča z-za Kuby. Zhodna z ukazam, Kuba ŭjaŭlaje nadzvyčajnuju pahrozu nacyjanalnaj biaśpiecy ZŠA. Takoje rašeńnie dazvolić Vašynhtonu nakładvać pošliny na krainy, jakija pastaŭlajuć joj naftu.
Kamientary