U vioscy Farynava Połackaha rajona mužčyna ŭ stanie ałkaholnaha apjanieńnia žorstka zabiŭ sabaku svajoj maci, paviedamlaje SK.
16 śniežnia dziaŭčynka, hulajučy ŭ dvary, pačuła žałaślivaje skuholeńnie sa śmiećcievaha kantejniera. Unutry jana vyjaviła sabaku. Praz susiedski čat chutka znajšłasia haspadynia — 70‑hadovaja miascovaja žycharka, jakaja zabrała svajho hadavanca pa mianušcy Niura dadomu.
Vyśvietliłasia, što ŭ jaje adsutnaść syn, znachodziačysia ŭ stanie ałkaholnaha apjanieńnia, byŭ na kuchni. Jon nastupiŭ na sabaku, a potym, razdražniony tym, što žyvioła błytałasia pad nahami, žorstka źbiŭ jaho i vykinuŭ u śmiećcievy bak.
Haspadynia, jakaja viarnułasia dadomu, sprabavała spynić syna, adnak heta nie dało vyniku. Mužčyna znoŭ udaryŭ žyviolinu. U vyniku atrymanych traŭm, a mienavita razryvu piečani ad pabojaŭ, sabaka zahinuŭ. Padžyłaja žančyna była vymušanaja źviarnucca ŭ milicyju.
U dačynieńni da 46‑hadovaha mužčyny zaviedziena kryminalnaja sprava pavodle artykule ab žorstkim abychodžańni z žyviołaj, jakoje pryviało da jaje hibieli. Rasśledavańnie ŭstanaviła, što padazravany raniej užo pryciahvaŭsia da kryminalnaj adkaznaści za kradziažy, pryčynieńnie ciažkich cialesnych paškodžańniaŭ i pryčynieńnie śmierci ź nieaściarožnaści.
Kamientary
Prynamsi, napačatku 90' hetak u škołcy vučyli nas.
Jak čuješ tak i pišy.