У вёсцы Фарынава Полацкага раёна мужчына ў стане алкагольнага ап’янення жорстка забіў сабаку сваёй маці, паведамляе СК.
16 снежня дзяўчынка, гуляючы ў двары, пачула жаласлівае скуголенне са смеццевага кантэйнера. Унутры яна выявіла сабаку. Праз суседскі чат хутка знайшлася гаспадыня — 70‑гадовая мясцовая жыхарка, якая забрала свайго гадаванца па мянушцы Нюра дадому.
Высветлілася, што ў яе адсутнасць сын, знаходзячыся ў стане алкагольнага ап’янення, быў на кухні. Ён наступіў на сабаку, а потым, раздражнёны тым, што жывёла блыталася пад нагамі, жорстка збіў яго і выкінуў у смеццевы бак.
Гаспадыня, якая вярнулася дадому, спрабавала спыніць сына, аднак гэта не дало выніку. Мужчына зноў ударыў жывёліну. У выніку атрыманых траўм, а менавіта разрыву печані ад пабояў, сабака загінуў. Паджылая жанчына была вымушаная звярнуцца ў міліцыю.
У дачыненні да 46‑гадовага мужчыны заведзена крымінальная справа паводле артыкуле аб жорсткім абыходжанні з жывёлай, якое прывяло да яе гібелі. Расследаванне ўстанавіла, што падазраваны раней ужо прыцягваўся да крымінальнай адказнасці за крадзяжы, прычыненне цяжкіх цялесных пашкоджанняў і прычыненне смерці з неасцярожнасці.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары
Прынамсі, напачатку 90’ гэтак у школцы вучылі нас.
Як чуеш так і пішы.