Asnoŭnyja raboty na paškodžanym učastku ciepłatrasy zavieršany, i aciapleńnie znoŭ padajuć u žyłyja damy. Pra heta ŭ efiry «Pieršaha infarmacyjnaha» raskazaŭ namieśnik dyrektara ŽKH № 1 Maskoŭskaha rajona Minska Dzianis Fiodaraŭ.
Fota: Minskenierha
U piaci rajonach Minska 19 studzienia ŭźnikli prablemy z aciapleńniem i haračaj vadoj praz praryŭ učastku ciepłamahistrali. U vyniku było parušana ciepłazabieśpiačeńnie bolš za 3 tysiač damoŭ. Kab chacia b časova ich abahreć, byli apieratyŭna zapuščany miascovyja reziervovyja kacielni.
Taksama miescami praz avaryju ŭtvaryŭsia marozny smoh, što moža być niebiaśpiečna dla zdaroŭja.
Ciapier, pa słovach Dzianisa Fiodarava, asnoŭnyja raboty na paškodžanym učastku zavieršany. Rabočyja pastavili novy elemient ciepłapravoda, trubu zapoŭnili sietkavaj vadoj dla ŭklučeńnia ciepłamahistrali. Adnoŭlenyja sistemy ciepłazabieśpiačeńnia žyłych damoŭ, arhanizavanaje vyciskańnie pavietra ź sistem aciapleńnia, vykanany mierapryjemstvy adnaŭleńnia tempieraturnaha režymu ŭ kvaterach ludziej.
Jak adznačyŭ namieśnik dyrektara ŽKH № 1 Maskoŭskaha rajona, dla apieratyŭnaj raboty taksama arhanizavali kruhłasutačnuju haračuju liniju. Na jaje pastupajuć asobnyja zvaroty minčan adnosna adsutnaści aciapleńnia ŭ asobnych pakojach i niedastatkovaha prahrevu aciaplalnych pryboraŭ.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary