«Boh vielmi hanarycca pracaj, jakuju ja zrabiŭ». Tramp vylecieŭ na Suśvietny ekanamičny forum u Davosie
Pavodle źviestak Biełaha doma, prezident ZŠA vylecieŭ u Ciurych. Siońnia čakajecca jahony vystup u Davosie.
Raniej prezidencki bort Air Force One byŭ vymušany viarnucca na bazu Sent-Endrus pad Vašynhtonam z-za niaznačnaj niaspraŭnaści ŭ elektrapravodcy. Paśla hetaha Tramp razam z kamandaj pierasieŭ na dva novyja samaloty i paŭtorna vylecieŭ u Šviejcaryju.
U krainie ŭžo prachodziać akcyi pratestu suprać prezidenta ZŠA: žychary prajecyrujuć karykaturnyja vyjavy Trampa na harnałyžnyja schiły.
U Alpach taksama zahareŭsia nadpis «Nie karalam».
«Dumaju, Boh vielmi hanarycca pracaj, jakuju ja zrabiŭ. U tym liku i ŭ śfiery relihii. I heta ŭklučaje relihiju. Vy viedajecie, my abaraniajem mnohich ludziej, jakich zabivajuć: chryścijan, jaŭrejaŭ. Ja abaraniaju šmat ludziej, jakich nie abaraniaŭ by inšy prezident», — zajaviŭ Tramp pierad vyletam.
Siońnia Tramp pavinien vystupić z prahramnaj pramovaj, a taksama sustrecca z kiraŭnikami dziaržaŭ i lidarami suśvietnaha biznesu. Uviečary čakajecca niefarmalnaja kamunikacyja.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?6
Kamientary