Na Zimovuju Alimpijadu ŭ Italiju jedzie katastrafična nizkaja kolkaść biełaruskich spartoŭcaŭ
Na pasiadžeńni Vykanaŭčaha kamiteta Nacyjanalnaha alimpijskaha kamiteta siońnia byŭ zaćvierdžany skład delehacyi na Zimovyja Alimpijskija hulni ŭ Italii, paviedamlaje pres-słužba NAK.
Na hałoŭnym starcie čatyrochhodździa vystupiać usiaho piaciora biełaruskich spartsmienak u piaci dyscyplinach. Heta Hanna Huśkova (frystajł), Maryna Zujeva (kańkabiežny sport), Viktoryja Safonava (fihurnaje katańnie), Hanna Karalova (łyžnyja honki) i Maryja Škanava (hornyja łyžy).
Pieršapačatkova licenziju ŭ łyžnych honkach zavajavała Hanna Mačechina, ale kvota ŭ hetym vidzie sportu nie źjaŭlajecca imiannoj. Pa rašeńni trenieraŭ pucioŭka pierajšła lidarcy nacyjanalnaj kamandy Karalovaj.
Nikoli, pačynajučy z 1994 hoda, skład biełaruskaj delehacyi nie byŭ takim małym. Čaściej było ŭ rajonie 30 spartoŭcaŭ (plus/minus try), na minułaj Alimpijadzie ŭ Piekinie — 29. U Nahana-1998 — 59.
Ale paśla poŭnamaštabnaj vajny Rasii suprać Ukrainy na rasijski i biełaruskich sport byli nakładzienyja sankcyi, i biełaruskija i rasijskija atlety — bijatłon, frystajł, chakiej — adchilenyja ad bolšaści spabornictvaŭ. Tolki ŭ śniežni frystajlisty dabilisia viartańnia ŭ suśvietny sport, ale alimpijskuju licenziju zavajavała tolki Hanna Huśkova, siarod mužčyn nie zavajavaŭ nichto.
Na minułaj Alimpijadzie biełarusy zavajavali dva srebry: u frystajle Hanna Huśkova i ŭ bijatłonie Anton Smolski. Hetym razam bijatłanisty na Alimpijadu nie jeduć.
Zimovyja alimpijskija hulni projduć u Miłanie i Karcinie d'Ampieca z 6 da 22 lutaha.
Dapoŭniena.
Na nastupny dzień, u sieradu, stała viadoma, što dadatkovyja dźvie kvoty atrymali frystajlistki Hanna Dziaruha i Anastasija Andryjanava. Takim čynam u Italii budzie siem biełaruskich spartoŭcaŭ, pryčym usie dziaŭčaty.
Ciapier čytajuć
Jak u halečy śpivałasia radnia Łukašenki? Małaviadomyja fakty30
Kamientary