U starym domie dla partyjnaj elity ŭ centry Minska pradali kvateru za $380 000
9 studzienia, kali kraina znajomiłasia z cykłonam Uli, u Minsku adbyłasia admietnaja ździełka. Novych haspadaroŭ zajmieła kvatera, raźmieščanaja ŭ adnym ź pieršych «kłubnych» damoŭ Biełarusi.
Piacipaviarchovik u Braniavym zavułku, 4, byŭ pabudavany ŭ 1967 hodzie dla partyjnaj elity. Słova «piacipaviarchovik» nie pavinna vas biantežyć: ad zvykłych usim chruščovak jon biaskonca daloki, piša Onliner.by.
U cahlanym domie na čatyry padjezdy chavajecca ŭsiaho 44 kvatery ź vialikimi voknami i trochmietrovymi stolami. Taksama ŭ kožnaj siekcyi jość lift: nijakich zabiehaŭ na apošni pavierch ź ciažkimi torbami. Dom «metavy»: kvatery ŭ im mieli šeść byłych staršyń Savieta ministraŭ BSSR — Mikałaj Aŭchimovič, Cichan Kisialoŭ, Alaksandr Aksionaŭ, Uładzimir Brovikaŭ, Michaił Kavaloŭ, Viačasłaŭ Kiebič.
Viadoma, za doŭhija hady isnavańnia doma žychary ŭ im nieadnarazova źmianialisia. Napieradzie — jašče adno navasielle. Abnaŭleńnia čakaje 100‑mietrovaja trochpakajovaja kvatera, raźmieščanaja na adnym ź nižnich pavierchaŭ.
Pavodle źviestak Nacyjanalnaha kadastravaha ahienctva, kvatera była pradadziena za salidnyja 1 122 900 rubloŭ, abo $380 000 pavodle kursu. Heta značyć, kožny kvadratny mietr abyšoŭsia pakupniku ŭ ekvivalencie $3800. Što i niadziŭna: kvatera pradavałasia sa śviežym sučasnym ramontam.
Voś jak apisvała jaje ahienctva, jakoje zajmałasia prodažam abjekta: «U kvatery vykanany jakasny, kłasičny ramont ź jeŭrapiejskich kalekcyjnych materyjałaŭ, usia technika pryvieziena ź Jeŭropy». Novym haspadaram dastatkova «razhruzić» kanapy-łožki i rasstavić pa miescach svaje rečy. Na hety momant heta samaja «ciažkaja» ŭhoda ŭ Minsku.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary