Padlašski duet Sw@da & Niczos, jaki śpiavaje na miascovaj havorcy, atrymaŭ prestyžnuju polskuju ŭznaharodu
11 studzienia ŭručyli adnu z najprestyžniejšych kulturnych uznaharod Polščy — Paszporty Polityki za 2025 hod. Uznaharoda prysudžałasia ŭ siami katehoryjach: film, surjoznaja muzyka, scena, ličbavaja kultura, vyjaŭlenčaje mastactva, kniha i papularnaja muzyka, piša Reform.news.
U katehoryi «Papularnaja muzyka» pieramoh padlašski duet Sw@da & Niczos (Viktar Ščyhieł i Nika Jurčuk) — za aryhinalnaść, ułasny šlach da słuchača i stvareńnie sučasnaj muzyčnaj vizii, jakaja čerpaje natchnieńnie z tradycyi. U słovach udziačnaści Nika Jurčuk adznačyła, što hetaja ŭznaharoda pakazvaje: ichniaja tvorčaść, zroblenaja intuityŭna i pa-svojmu, ciapier acenienaja šyrej.
Duet byŭ naminavany za albom Indawoods, u jakim śpievaki pieratvaryli tradycyjnuju padlašskuju havorku i karaniovyja śpievy ŭ sučasny elektronny saŭnd, što zachapiŭ polskich krytykaŭ. Muzyka Sw@da & Niczos — heta pačućciovy manifiest novaj identyčnaści: biez «muziejnaści», ale z pavahaj da karanioŭ.
U katehoryi «Scena» na ŭznaharodu byŭ naminavany biełaruski dramaturh i režysior Mikita Iljinčyk, ale ŭznaharody nie atrymaŭ.
Paszporty Polityki — adna z samych značnych kulturnych uznaharod u Polščy, jakuju štohod prysudžaje časopis Polityka maładym tvorcam za vysokija mastackija dasiahnieńni, tvorčuju śmiełaść i ŭpłyŭ na sučasnuju kulturu. Finalny hała-kancert źbiraje viadučych dziejačaŭ polskaj mastackaj sceny: muzykaŭ, kiniematahrafistaŭ, teatrałaŭ, piśmieńnikaŭ i mastakoŭ.
Fiestyval Graj: śviata biełaruskaj muzyki i pieražyvańni polskaj palicyi
«Režym, jaki baicca muzyki — słaby». Aŭtary pieśni Lusterka z polskaha «Jeŭrabačańnia» — pra padlašskuju movu, chejt i «ekstremiscki» status
Duet Sw@da i Niczos ź pieśniaj na padlašskaj havorcy zaniaŭ na polskim adbory na «Jeŭrabačańnie» druhoje miesca
U polskim finale adboru na «Jeŭrabačańnie» prahučyć pieśnia na padlaskaj havorcy
Kamientary