Na pakazie kino ŭ Minsku hledačy pabilisia i stali ablivacca haziroŭkaj — što zdaryłasia?
Dla hledačoŭ, jakija pryjšli 17 studzienia na biełaruskuju premjeru filma «Pakajoŭka» ŭ kinateatr Moon, što ŭ «Dana Moł», uražańni byli sapsavanyja bojkaj u zale. Padčas sieansa niekalki siabrovak i paračka stali bicca, łajacca i ablivacca sprajtam. Śviedki raspaviali, čamu ŭźnik kanflikt i čym skončyŭsia.
Pa słovach vidavočcaŭ, usio pačałosia z taho, što try biełaruski na praciahu pieršaj pałovy filma bieśpierapynna i hučna kamientavali źmiest stužki. Akramia taho, dziaŭčyny vykrykvali maciuki. Heta nikomu nie padabałasia, ale pieršym nie vytrymaŭ małady čałaviek, jaki siadzieŭ u radzie pierad imi. Na vietlivuju i spakojnuju prośbu «pavodzić siabie cišej» chłopiec byŭ adpraŭleny «na*uj».
Paśla hetaha dziaŭčyny abmaciukali susieda nasuprać — toj u adkaz nie strymlivaŭsia ŭ vyrazach taksama. Nieŭzabavie dajšło da bojki, jakuju raspačała pradstaŭnica trya.
Na videa, jakoje apublikavała ŭ svaim «Treds» adna z karystalnic, čutno, jak spačatku dziaŭčyny praciahvajuć pasyłać chłopca i jaho dziaŭčynu na try litary, pierakrykvajučy hukavuju darožku filma. Na druhim roliku adna ź ich hachaje maładoha čałavieka pa hałavie, na što ŭ adkaz užo jaho kachanaja vylivaje na kampaniju butelku vadkaści — pa słovach śviedak, heta byŭ sprajt, jaki ŭ tym liku zaliŭ hledačoŭ, što siadzieli pobač.
U kancy bojki chłopiec sprabuje adpichvać kryŭdzicielek rukami, a jaho druhaja pałova dapamahaje jamu, adbivajučysia pustoj butelkaj. Kožny z bakoŭ kryčaŭ, kab druhi bok pakinuŭ zalu. Pa vyniku syšoŭ chłopiec i jaho partniorka.
«Kanflikt skončyŭsia tym, što hrupa dziaŭčat zabivała chłopcu strełku pad «Dana Moł». Para pakinuła zalu, ale pry hetym dziaŭčaty pajšli za imi, sprabujučy praciahnuć kanflikt. Ale film 10/10 — usim rekamienduju!» — napisała karystalnica «Treds».
Jašče adna sa śviedak adznačyła, što kampanija hučnych dziaŭčat, na jaje pohlad, vyhladała vypiŭšaj, tamu takaja ahresiŭnyja pavodziny ź ich boku i stali mahčymyja.
Niekatoryja biełarusy pry hetym zadalisia spraviadlivym pytańniem: a čamu administracyja i achova nie patušyli kanflikt? Pa słovach hledačoŭ taho sieansa, da administracyi adrazu źviarnulisia, ale tyja vyrašyli nie ŭmiešvacca. Adna z pradstaŭnic kinateatra pryjšła ŭ zału tolki tady, kali para, sprabavaŭšaja ŭcichamiryć hučnaje trya, užo sychodziła.
Častka kamientataraŭ dadatkova aburyłasia pavodzinami inšych ludziej u zale: «To bok, chłopiec byŭ adziny, chto nie ciarpiła? Čamu inšyja nie padtrymali jaho, nie dapamahli? Tolki siadzieli pobač i chichikali». Aŭtarka videa vykazała zdahadku, što bolšaść nie ściamiła praz šokavy stan.
Aktyŭnyja karystalniki ciapier prosiać biełaruskuju milicyju pryciahnuć parušalnikaŭ spakoju da adkaznaści.
Ciapier čytajuć
«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ5
Kamientary