Z 14 sakavika na Ziamli nazirajecca praciahłaja mahnitnaja bura. Jana pačałasia siońnia apoŭnačy i stała pieršaj doŭhaj hieamahnitnaj padziejaj viasny 2026 hoda.
Pryčynaj źjavy stała rezkaje pavieličeńnie chutkaści soniečnaha vietru. Heta adbyłosia z-za karanarnaj dzirki na Soncy, praź jakuju ŭ bok Ziamli nakiroŭvajucca patoki zaradžanych čaścic.
Pavodle navukoŭcaŭ, bura davoli stabilnaja: jaje ŭzrovień trymajecca na adznacy G1.7, što adpaviadaje hieamahnitnaj bury siaredniaj siły.
Čakajecca, što adchileńni mahnitnaha pola mohuć praciahvacca jašče dva-try dni. Mahčymyja karotkija pierapynki, ale ŭ cełym upłyŭ budzie zachoŭvacca. Padobnyja bury zdolnyja vyklikać pieraboi ŭ enierhasistemach i radyjosuviazi, asabliva ŭ rehijonach z vysokimi šyrotami.
Darečy, heta ŭžo druhaja mahnitnaja bura ŭ sakaviku: pieršaja adbyłasia 4 sakavika i była karotkaj i słabaj. Usiaho ž z pačatku 2026 hoda zafiksavana 17 dzion z mahnitnymi burami — heta kala 23% ad usich dzion hoda. U minułym hodzie, jaki ličyŭsia vielmi aktyŭnym, takija źjavy naziralisia prykładna ŭ 19% dzion.
Navukoŭcy atrymali pieršaje śviedčańnie chimičnaj reakcyi, jakaja mahła zapuścić praces stvareńnia žyćcia na ziamli
Kali balać sustavy — doktar patłumačyŭ, što vy kožny dzień robicie nie tak
«Absalutna niečakanyja i nievytłumačalnyja padziei adbyvajucca ciapier kala Ziamli». Vybuch soniečnaj płazmy pakazvaje rekordnuju chutkaść
Kamientary