Rumynskuju pieśniu dla «Jeŭrabačańnia» raskrytykavali za «hłamuryzacyju seksualnaha ŭdušvańnia»
Pieśniu Choke Me, ź jakoj Rumynija płanuje ŭdzielničać u sioletnim konkursie «Jeŭrabačańnie», rezka raskrytykavali aktyvisty i ekśpierty. Na ich dumku, kampazicyja ramantyzuje niebiaśpiečnuju praktyku seksualnaha ŭdušvańnia, piša The Guardian.
Krytyki adznačajuć, što ŭ pieśni fraza choke me («dušy mianie») paŭtarajecca kala tryccaci razoŭ za try chviliny. U tekście taksama jość radki pra ciažkaść dychańnia i žadańnie być zadušanaj. Na ich dumku, takija vobrazy vyhladajuć biezadkaznymi i mohuć stvarać uražańnie, što padobnaja praktyka źjaŭlajecca narmalnaj, choć jana moža pryvieści da surjoznych paškodžańniaŭ mozhu abo navat śmierci.
Prafiesar prava Daremskaha ŭniviersiteta Kłer Makhlin zajaviła, što pieśnia demanstruje niebiaśpiečnuju abyjakavaść da zdaroŭja maładych žančyn. Jana padkreśliła, što miedycynskija daśledavańni śviedčać: rehularnaje ŭdušvańnie padčas seksu moža vyklikać paškodžańni mozhu i inšyja prablemy sa zdaroŭjem.
U internecie taksama źjaviłasia chvala krytyki. Niekatoryja prychilniki «Jeŭrabačańnia» patrabujuć pamianiać tekst kampazicyi abo navat dyskvalifikavać jaje.
Pieśniu vykonvaje pieramožca rumynskaj viersii šou The Voice Alaksandra Kepiteniesku. Jana, u svaju čarhu, abaraniaje svaju rabotu i tłumačyć, što słovy pieśni — heta mietafara mocnych emocyj i adčuvańnia, kali čałavieka «dušać» ułasnyja sumnieńni i pačućci.
Dadatkova ekśpierty adznačajuć, što ŭ apošnija hady padobnaja tema stała bolš raspaŭsiudžanaj u internet-kultury i parnahrafii, što moža spryjać jaje narmalizacyi siarod moładzi. Daśledavańni pakazvajuć, što mnohija maładyja ludzi sutykalisia z takimi praktykami i častka ź ich pamyłkova ličyć, što isnujuć biaśpiečnyja sposaby ŭdušvańnia.
Sioleta «Jeŭrabačańnie» projdzie ŭ Aŭstryi (finał 16 maja). Irłandyja, Isłandyja, Ispanija, Niderłandy i Słavienija vyrašyli nie ŭdzielničać konkursie ŭ znak pratestu suprać udziełu Izraila.
Alaksandr Rybak zaniaŭ u narviežskim adbory na «Jeŭrabačańnie» druhoje miesca
Stała viadoma, chto budzie pradstaŭlać Ukrainu na Jeŭrabačańni-2026
Jašče adna kraina admoviłasia ŭdzielničać u Jeŭrabačańni-2026
Niderłandy, jak i Irłandyja, Słavienija i Ispanija, pryhrazili bajkatavać «Jeŭrabačańnie-2026», kali ŭ im budzie ŭdzielničać Izrail
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary
Vsie ostalnyje - pod voprosom.
Viesieło letim v propasť.
[Zredahavana]