Alaksandr Rybak zaniaŭ u narviežskim adbory na «Jeŭrabačańnie» druhoje miesca
Uradženiec Minska jeździŭ dvojčy na hałoŭny jeŭrapiejski muzyčny konkurs.
Alaksandr Rybak zaniaŭ u narviežskim adbory na «Jeŭrabačańnie». što prajšoŭ na minułym tydni, druhoje miesca.
Biełarus vyjšaŭ na scenu sa skrypkaj, jakaja ŭ 2009 hodzie pryniesła jamu bliskučuju pieramohu ŭ Maskvie.
Sa svajoj pieśniaj Rise jon atrymaŭ 66 bałaŭ žury i 126 bałaŭ telehledačoŭ, usiaho 192 bały.
Vyjhraŭ nacyjanalny adbor Jonas Łou ź pieśniaj Ya, ya, ya i 265 bałami (96+169).
Kankursantka, što zaniała treciaje miesca, nabrała 127 bałaŭ.
Alaksandr vyjhraŭ konkurs «Jeŭrabačańnie» ŭ Maskvie ŭ 2009 hodzie ź pieśniaj Fairytale, nabraŭšy tady bałaŭ bolš za lubuju inšuju pieśniu ŭ historyi konkursu. U 2018‑m jon znoŭ udzielničaŭ u konkursie i zaniaŭ 15‑ie miesca.
Taksama Narviehija vyjhravała «Jeŭrabačańnie» ŭ 1985 hodzie. Tady pieramahli «BobbySocks» ź pieśniaj La det swinge.
U 1995 hodzie pieramahli Secret Garden z «Nakciurnam». Pieśnia, napeŭna, źjaŭlajecca rekardsmienam siarod pieramožcaŭ na konkursie — tam usiaho 24 słovy. Bolšuju častku kampazicyi zajmaje ihra na skrypcy Fijanuały Šery.
Sioleta «Jeŭrabačańnie» projdzie ŭ Aŭstryi (finał 16 maja). Irłandyja, Isłandyja, Ispanija, Niderłandy i Słavienija vyrašyli nie ŭdzielničać u znak pratestu suprać udziełu Izraila.
Biełaruś nie ŭdzielničaje ŭ konkursie z 2021 hoda. Tady hurt «Hałasy ź miesta» byli vyklučany z-za palityčnaha padtekstu pieśni, a z 2022 hoda Biełaruś i Rasija vyklučany z-za vajny va Ukrainie.
Najvyšejšym dasiahnieńniem Biełarusi na «Jeŭrabačańni» źjaŭlajecca 6‑ie miesca Dźmitryja Kałduna ŭ 2007 hodzie.
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ24
Kamientary