Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»

U toj dzień, kali Babaryka płanavaŭ abvieścić pra svoj namier bałatavacca ŭ prezidenty, jon pravioŭ razmovu z kiraŭnictvam banka.

«Ja papiaredziŭ svaich akcyjanieraŭ, papiaredziŭ staršyniu rady dyrektaraŭ pra svoj učynak. Ja zrabiŭ usio, što pavinien byŭ zrabić (…) Ja skazaŭ, što jość dva varyjanty — adpuścić mianie ŭ adpačynak ci zvolnić.

Była ŭziataja paŭza, jakaja ŭsio ž zavieršyłasia maim zvalnieńniem pa ŭłasnym žadańni. I paśla taho, jak ja atrymaŭ rašeńnie pra toje, što mianie zvalniajuć, ja z čystym sumleńniem napisaŭ hety post», — raspaviadaje Babaryka.

Pry hetym jon pryznaje, što parušyŭ praviły i praceduru:

«Ujavicie sabie, u vas jość mieniedžar, jaki adkazvaje za dastatkova efiektyŭny aktyŭ. I biez papiaredžańnia prychodzić da vas i kaža «nu prabačcie, ja ad siońnia nie vielmi chaču na vas pracavać».

Z majho punkta hledžańnia heta nie toje kab parušeńnie, ale nie zusim pravilny ŭčynak. (…) Heta byŭ nie vielmi karektny krok u adnosinach da akcyjanieraŭ, tamu što, pa idei, patrebny byŭ čas na toje, kab niejak pieradać spravy».

U suviazi z hetym jon nie nadta raźličvaŭ, što kiraŭnictva «Hazprama» budzie niejak abaraniać jaho. Tak i atrymałasia.

Kanflikt 2014 hoda

Razam z hetym były bankir śćviardžaje, što dla rady dyrektaraŭ jaho rašeńnie nie było vialikaj niečakanaściu.

Jak jon tłumačyć, jašče ŭ 2014 hodzie ŭ jaho była «samaja vialikaja prablema i samaja vialikaja dyskusija» z radaj dyrektaraŭ, jakaja adbyłasia paśla vystupu bankira na adkryćci vystavy «Dziesiać stahodździaŭ mastactva Biełarusi».

«I na hetaj vystavie ja zaviaršyŭ svoj vystup łozunham «Žyvie Biełaruś», — zhadvaje jon. — Heta 2014 hod na ŭsiaki vypadak. Heta ŭžo Krym. A ja ŭsio ž taki rasijski mieniedžar. Voś heta byŭ vielmi ciažki pieryjad z dastatkova surjoznymi mahčymymi vysnovami i vialikimi dyskusijami u adnosinach da mianie i ŭnutry Biełarusi, i siarod našych akcyjanieraŭ u Rasii».

Pavialičyć

Pa słovach Babaryki, tady pierad im stavili pytańnie ab zvalnieńni:

«Mnie było prapanavana napisać zajavu ab zvalnieńni. Na što ja skazaŭ, što ŭ mianie niama takoha žadańnia. A kali ŭ vas jość žadańnie mianie zvolnić, to vy heta prosta možacie zrabić. (…) Ja tak razumieju, što ni ŭ mianie, ni ŭ maich akcyjanieraŭ u 2014 hodzie žadańnia takoha nie było».

Jak zhadvaje Babaryka, jon tak patłumačyŭ svoj učynak i pazicyju:

«Ja prosta skazaŭ: «Ja nie razumieju, čamu luboŭ da Biełarusi, jakaja ŭ pierakładzie na ruskuju hučyć «Da zdravstvujet Biełaruś», moža kimści ŭsprymacca abraźliva.

«Žyvie Biełaruś», z majho punkta hledžańnia, toje, što pa idei nie naležyć ni niejkamu čałavieku, ni niejkamu kirunku. Heta naležyć ludziam, jakija lubiać svaju krainu. «Žyvie Biełaruś» — heta prosta tamu, što ja jaje lublu i ja chaču, kab jana žyła».

«Kab pieramahčy ŭ 2020 hodzie, było dastatkova padtrymki biełaruskaha naroda»

Adkazvajučy na pytańnie pra mahčymyja sproby atrymać padtrymku ŭ Rasii ŭ 2020 hodzie, Babaryka zajaviŭ, što ličyŭ heta niepatrebnym.

«Ja ličyŭ — i dahetul liču, — što dla taho, kab pieramahčy ŭ 2020 hodzie, było dastatkova padtrymki biełaruskaha naroda. I ŭsio».

Na pytańnie Nasty Roŭdy, ci nie varta było damovicca z Maskvoj zahadzia, kab pazbavić dziejnuju ŭładu vonkavaj padtrymki, Viktar Babaryka adkazaŭ:

«Heta b aznačała, što my nie pavažajem svoj ułasny narod. Heta aznačaje, što vy nie vierycie ŭ zdolnaść biełaruskaha naroda zrabić usio svaimi rukami. (…) Ja ŭ 2020 hodzie byŭ upeŭnieny ŭ sile biełaruskaha naroda. A dziejučaja ŭłada nie vieryła svajmu ŭłasnamu narodu. Jany nie vieryli nikomu. Nikomu. Tamu jany pajšli za padtrymkaj [da Rasii]. U hetym i jość roźnica».

• 19
• 2
• 2
• 4
• 0
• 1
• 0
• 1