Były viadučy ANT schadziŭ u masoŭku polskaha «Chto choča stać miljanieram» i raspavioŭ pra hanarar
Artemis Achpaš, jaki ŭ 2020 hodzie syšoŭ ź dziaržaŭnaha telebačańnia ŭ znak pratestu, ciapier žyvie i pracuje ŭ Jeŭrasajuzie.
Były viadučy ANT Artemis Achpaš raspavioŭ u instahramie, što vyrašyŭ «zhadać maładość» i adpraviŭsia na zdymki polskaha šou «Chto choča stać miljanieram?» — u masoŭku. Maŭlaŭ, jak zdymajuć hetuju pieradačy ŭ Rasii, jon viedaje, cikava było pahladzieć na polski varyjant.
«Masoŭka (statysty) — heta sapraŭdny «kłan», — dzielicca ŭ storys Achpaš. — Jak praviła, šmat chto viedaje adno adnaho vielmi dobra. Dla ich heta sapraŭdnaja praca, na jakuju jeździać ledź nie kožny dzień. Staŭka za ceły dzień 90 złotych (kala 70 rubloŭ — NN). Kaniešnie, heta nie vialikija hrošy, ale hetyja ludzi padychodziać da pracesu vielmi adkazna».
Studyja, jak adznačyŭ Artemis, u žyćci značna mienšaja, čym zdajecca na ekranie, a mnohija jaje elemienty padklejeny skotčam. Jon pažartavaŭ, što biez skotča nie prachodzić nivodny ivent.
Asabliva cikava, adznačyŭ Achpaš, nazirać za hulcami: z boku zaŭvažna, nakolki mocna niervujecca ŭdzielnik. A pa ich pavodzinach možna pasprabavać pradkazać, jak daloka ŭ intelektualnaj hulni projduć ludzi.
Artemis jak viadučy asabliva zachaplaŭsia pracaj kalehi ŭ kadry i adznačyŭ jaho prafiesijanalizm.
Hulniu zdymajuć amal bieź pierapynkaŭ i dublaŭ. Spyniajucca tolki pamiž zdymkami roznych hulniaŭ, bo treba źmianić vobraz viadučaha.
Nahadajem: Artemis Achpaš syšoŭ z ANT u znak pratestu jašče ŭ červieni 2020 hoda. Tady ž jon praz sacsietki emacyjna źviarnuŭsia da kaleh, jakija tranślujuć chłuśniu z ekranaŭ.
Zrazumieła, što paśla taho śmiełaha ŭčynku pracavać u Biełarusi televiadučy nie moh. Ciapier jon žyvie ŭ Varšavie, viadzie roznyja mierapryjemstvy na ruskaj, polskaj i anhlijskaj movach.
Kamientary
Nie ? 😂
Abaviazkova treba bačyć hetaje ,,charastvo,, 🙈
Staroćcie , vybityja tratuary , śmiećcie , byčki paúsiul .
I heta ź vialikim budžetam !
[Zredahavana]