Zialenski daručyŭ novamu ministru abarony zakryć nieba ŭkrainskimi siłami
Prezident Uładzimir Zialenski zajaviŭ, što pryjarytetnaj zadačaj dla ministra abarony Michaiła Fiodarava źjaŭlajecca zakryćcio nieba, što praduhledžvaje stvareńnie ŭłasnaj sistemy supraćpavietranaj abarony, pieradaje Ukrinfarm.
— Pytańnie — u SPA. Albo nam daduć ZŠA licenziju na Patriot, albo my atrymajem licenziju ad kahości ź jeŭrapiejskich partnioraŭ, albo va Ukrainy budzie svaja sistema SPA, jakaja źjavicca raniej. Nie treba admaŭlacca ad nivodnaha z hetych padychodaŭ. Ale što budzie raniej — my pahladzim. Michaił [Fiodaraŭ] razam z kamandujučym SPA, uvieś pryvatny siektar pavinien fakusavacca na hetym pytańni. Michaił abjechaŭ uvieś pryvatny siektar, ź imi pahutaryŭ. Rychtavaŭ mnie dakład. My budzie rabić kroki pa SPA, rakietabudavańni — vy ich ubačycie. Mienavita pierafarmatavańnie najpierš, tamu što ŭ nas prosta niama inšaha šlachu, — skazaŭ Zialenski.
Pavodle jaho słoŭ, va Ukrainy pavinna być niekalki sotniaŭ sistem SPA, bo «vajna skončycca, a kolkaść idyjotaŭ na tym baku nie pamienšycca».
— Vajna skončyłasia — usie nam dali harantyi biaśpieki. Z aeraporta budzie vylatać samalot, i ŭsio roŭna ludzi pavinny być upeŭnienyja, što kali niejkaja vypadkovaja rakieta prylacić — jany buduć abaronieny. Pytańnie ŭ hłabalnaj abaronie. Heta pytańnie numar adzin, — skazaŭ jon.
Kamientary