U Maskvie telefonnyja machlary prymusili 20‑hadovaha futbalista abakraści pradprymalnicu. Žančynu jon zarezaŭ
U Maskvie adbyłosia žorstkaje zabojstva 48‑hadovaj Kaciaryny, zasnavalnicy biznesa pa navučańni niejrasietkam. Pa padazreńni ŭ złačynstvie zatrymany 20‑hadovy Daniił Siakač, futbalist z Kisłavodska, jaki trapiŭ pad poŭny ŭpłyŭ telefonnych machlaroŭ.
Złačynstva rychtavałasia afierystami jak šmatchadovaja apieracyja.
Spačatku jany apracavali 16‑hadovuju dačku Kaciaryny: pradstavilisia palicyjaj i pierakanali jaje adčynić dźviery «supracoŭniku» dla pieratrusu. Hetym «supracoŭnikam» i staŭ 20‑hadovy Daniił, jakoha machlary taksama pierakanali, što jon udzielničaje ŭ śpieczadańni, piša «Baza».
Daniił pryjšoŭ u kvateru z cełym arsienałam: bałharkaj, łomam, kuvałdaj i nažom.
Pakul jon sprabavaŭ uskryć siejf, machlary zahadali dziaŭčyncy vyjści na vulicu, kab zatrymać maci i nie puskać jaje dadomu. Dačka sustreła tuju i ŭsio joj raskazała. Žančyna kinułasia ŭ kvateru.
Tam pačałasia bojka, małady čałaviek patrabavaŭ kod ad siejfa, a potym zarezaŭ žančynu nažom.
Paśla zabojstva chłopiec bałharkaj uskryŭ siejf, zabraŭ kala 2 tysiač dołaraŭ i kalekcyjnyja maniety časoŭ Kaciaryny II. Pavodle dadzienych SK RF, pa ŭkazańni kurataraŭ jon vykinuŭ vykradzienaje ŭ akno.
I tolki na nastupny dzień ašukancy dazvolili jamu syści z kvatery i adpuścić dačku zabitaj.
Chłopca zatrymali. Jamu pradjaŭlena abvinavačańnie ŭ zabojstvie.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
Praz hetych padonkaŭ, dačka straciła maci, a małady chłopiec staŭ zabojcam i straciŭ budučyniu. Jak takich tolki śviet nosić? Paśla śmierci, jany buduć biaskonca hareć u adu.
Kali b nie było hetych padonkaŭ- ašunkacaŭ, žančyna- maci była b žyva, dačka u biaśpiecy pobač ź joju, a małady chłopiec zajmaŭsia b futbołam.