Ruskamirac Ahafonaŭ, jaki vyjechaŭ ź Biełarusi, abmianiaŭsia z Azaronkam źjedlivymi špilkami
«Navat homaeratyčnych fantazij pra maje trusiali niezamužni biaździetny Ryhor dadaŭ».
Prarasijski aktyvist z Babrujska Arciom Ahafonaŭ pierabraŭsia ŭ Rasiju. Paśla taho, jak pra heta napisali niezaležnyja miedyja, Ahafonaŭ raskazaŭ novyja detali.
Akazałasia, što Biełaruś jon pakinuŭ jašče ŭ kastryčniku minułaha hoda, adnak nie afišavaŭ hetaha, pakul nie vyrašyŭ pytańni z majomaściu.
«Spačatku hetaha nie afišavaŭ — u Biełarusi zastavałasia va ŭłasnaści nieruchomaść, što rabiła mianie ŭraźlivym. U mai kvatera była pradadzienaja, a niadaŭna kupiŭ užo tut. Pierajechali razam z usioj siamjoj — žonkaj, synam i jaho dziaŭčynaj. Pierajezdam zadavolenyja», — napisaŭ Ahafonaŭ.
Pryčynaj adjezdu, miarkujučy pa ŭsim, staŭ cisk z boku biełaruskich siłavikoŭ.
U žniŭni 2024 hoda Ahafonaŭ adsiedzieŭ sutki ŭ IČU i atrymaŭ štraf za «ekstremizm», paśla čaho milicyja nie pakidała jaho ŭ spakoi.
Užo z Rasii aktyvist paśpieŭ raskrytykavać biełaruskich čynoŭnikaŭ, nazvaŭšy ich «blakłymi funkcyjanierami», i zajaviŭ, što «rasijskaja palityka, niahledziačy na vajnu, zastajecca žyvoj».
Navina pra adjezd vyklikała reakcyju ŭ dziaržprapahandysta Ryhora Azaronka, jaki pryśviaciŭ Ahafonavu źniščalny post u svaim styli, nazvaŭšy jaho «nišavym mikrabłohieram na 6 prahladaŭ».
«Sielebryci ŭ dziravych truchanach dumaje, što ciapieraka jon z pašpartam RF moža hańbić krainu i Prezidenta… Ale voś niaŭdača — libieralny chmyr Suzdalcaŭ taksama tak dumaŭ. I dach u jaho byŭ surjoźniejšy. A jano vunieka jak vyjšła».
Ahafonaŭ za słovam u kišeniu nie palez i adrazu ž adkazaŭ Azaronku, pairanizavaŭšy z asabistaha žyćcia prapahandysta.
«Nišavy biełaruski makraprapahandyst nie ŭtrymaŭsia ad kamientaru pra moj adjezd. Navat homaeratyčnych fantazij pra maje trusiali niezamužni biaździetny Ryhor dadaŭ. Dziela čahości Suzdalcava ŭzhadaŭ. A što Suzdalcaŭ? Atrymaŭ 400 hadzin hramadskich rabot, paśpiachova ich adpracavaŭ i praciahvaje publikavacca. I nie fakt, što źmiest hetych rabot spadabaŭsia b «paciarpiełamu boku», — napisaŭ Ahafonaŭ, namiakajučy, što nie źbirajecca ŭ Rasii maŭčać.
«Biełaruskaj palitykaj praciahvaju cikavicca, niahledziačy na pierajezd», — napisaŭ Ahafonaŭ u svaim kanale.
Ciapier čytajuć
Pieršaha namieśnika hiendyrektara «Biełviesta» pasadzili na try z pałovaj hady za palityku5
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1616
Kamientary
on čto - 3,14 ?
vsie. otkrieŝivajuś ot nieje