Homielskija ŭłady paviedamlajuć pra «časovyja» prablemy, ale pra maštab zdareńnia ničoha nie kažuć.
Homielskija ŭłady paviedamlajuć pra prablemy ŭ pracy apieratara A1. Jany raspaŭsiudzili pres-reliz apieratara.
«Infarmujem Vas pra toje, što ŭ ciapierašni momant častka klijentaŭ kampanii moža adčuvać časovyja ciažkaści z dostupam da pasłuh hałasavoj suviazi i mabilnaha internetu. Techničnyja słužby A1 užo zadziejničany dla apieratyŭnaha likvidacyi nastupstvaŭ incydentu i adnaŭleńnia štatnaha režymu pracy abstalavańnia. Źviartajem Vašu ŭvahu: da poŭnaha zaviaršeńnia adnaŭlenčych rabot mahčymyja karotkačasovyja pieraboi ŭ funkcyjanavańni servisaŭ», — havorycca ŭ paviedamleńni.
Z zajavy ŭładaŭ niemahčyma zrazumieć, kaho zakranuła adsutnaść suviazi.
Čytačy vydańnia «Mocnyja Naviny» pišuć ab prablemach z suviaźziu ad A1 u roznych haradach. Akramia mabilnaha internetu, jość pieraboi z kabielnym telebačańniem.
«Niama suviazi, datelefanavaŭsia ŭ A1, skazali advaliłasia suviaź Homiel i vobłaść, Mahiloŭ i vobłaść, prablemy na trasie pieradačy źviestak Miensk — Homiel, Miensk — Mahiloŭ, sa słoŭ apieratara, pracujuć nad likvidacyjaj niepaładak», — raspavioŭ čytač u kamientarach u sacsietkach.
U Žłobinie suviaź, pavodle čytačoŭ vydańnia, adsutničała hadzinu, ale situacyja pačała naładžvacca.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
Tak hłušać, što A1 nie pracavaŭ, a MTS i Łajf na tych ža častotach i vyškach pracavaŭ?