Niamiecki fiłosaf i sacyjołah Jurhien Chabiermas pamior va ŭzroście 96 hadoŭ. Pra heta paviedamiŭ vydaviecki dom Suhrkamp. Pavodle jaho danych, vučony pamior siońnia ŭ bavarskim horadzie Štarnbierhu, piša Bild.
Jurhien Chabiermas ličyŭsia adnym z samych upłyvovych myślaroŭ sučasnaj Hiermanii i na praciahu dziesiacihodździaŭ udzielničaŭ u klučavych hramadskich i palityčnych dyskusijach.
Jon byŭ pradstaŭnikom druhoha pakaleńnia Frankfurtskaj škoły i adnym z hałoŭnych tearetykaŭ tak zvanaj krytyčnaj teoryi. Najbolšuju viadomaść jamu pryniesła praca «Teoryja kamunikatyŭnaha dziejańnia», apublikavanaja ŭ 1981 hodzie, u jakoj jon raźvivaŭ idei pra rolu racyjanalnaha dyjałohu ŭ demakratyčnym hramadstvie.
Chabiermas vykładaŭ u šerahu ŭniviersitetaŭ Hiermanii i ZŠA, a jaho raboty akazali ŭpłyŭ na fiłasofiju, sacyjałohiju i palityčnuju teoryju druhoj pałovy XX i pačatku XXI stahodździa.
U apošnija hady žyćcia Chabiermas nieadnarazova krytykavaŭ palityku Zachadu, skiravanuju na davańnie rašučaha adporu Pucinu va Ukrainie. Jašče ŭ krasaviku 2022 hoda jon padtrymlivaŭ aściarožnuju pazicyju kanclera Ołafa Šolca ŭ pytańni pastavak Ukrainie zbroi. Paźniej jon taksama dałučyŭsia da zaklikaŭ nie pieradavać Kijevu ciažkaje ŭzbrajeńnie. Zamiest hetaha jon ličyŭ patrebnym vieści z Rasijaj pieramovy.
U toj ža čas u śniežni 2020 hoda Jurhien Chabiermas u ramkach prajekta salidarnaści z palityčnymi źniavolenymi «100chSolidarität» Jevanhieličnaj carkvy ŭ Hiermanii i Niamieckaha tavarystva daśledavańniaŭ Uschodniaj Jeŭropy (DGO) u supracoŭnictvie ź biełaruskaj pravaabarončaj arhanizacyjaj «Viasna» staŭ «chrosnym» palitźniavolenaj Kaciaryny Andrejevaj, jakaja dahetul znachodzicca ŭ kałonii.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič13
Kamientary
a Premjer-ministr Bielhii Bart de Ŭever , Boh nam daŭ "ŭ"