U dvuchrazovaha ŭładalnika «Załatoha miača» — 4‑ja stadyja raku. «Pakul ja jašče tut»
«Doktar prapanavaŭ mnie novy mietad lačeńnia: «U jaho cudoŭny pracent efiektyŭnaści — 33%!» Ja dumaŭ, što budzie 80—90%», — kaža lehienda anhlijskaha futbołu Kievin Kihan.
Były forvard «Livierpula», «Ńjukasła», «Saŭthiemptana», «Hamburha» i zbornaj Anhlii, dvuchrazovy ŭładalnik «Załatoha miača» 75‑hadovy Kievin Kihan vykazaŭsia pra baraćbu ź ciažkim zachvorvańniem, piša sports.ru.
U studzieni «Ńjukasł» paviedamiŭ, što ŭ byłoha futbalista vyjavili rak. Ciapier Kihan raskazaŭ, što chvaroba znachodzicca na 4‑j stadyi.
«Ja trapiŭ u aŭtamabilnuju avaryju, i z-za hetaha mnie daviałosia zrabić apieracyju. Padčas abśledavańnia pierad apieracyjaj u mianie vyjavili rak. Mnie skazali, što jość vielmi vysokakvalifikavany lekar, jaki zajmajecca majoj chvarobaj — rakam čaćviortaj stadyi.
I ja pajšoŭ da jaho na pryjom. Jon zaŭzieje za «Livierpul», tamu ja viedaŭ, što nie zastanusia adzin. Jon skazaŭ: «Kievin, heta novy mietad lačeńnia, u mianie jon pakazaŭ vydatny pracent efiektyŭnaści». Ja spytaŭ: «Jaki pracent efiektyŭnaści?» Jon adkazaŭ: «33%». Ja dumaŭ, što budzie 80—90%. Nie, 33%!
Pakul što ja jašče tut», — skazaŭ Kihan.
Ciapier čytajuć
Darafiejeva zachaplajecca Hrecyjaj, a Lebiedzieva łaščyć kapibar u Tajłandzie. Dzie adpačyvajuć łukašenkaŭskija zorki?2
Darafiejeva zachaplajecca Hrecyjaj, a Lebiedzieva łaščyć kapibar u Tajłandzie. Dzie adpačyvajuć łukašenkaŭskija zorki?
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary