Zastałasia biez kvatery i nazapašvańniaŭ na $25 000. Rabotnicu minskaj VNU raźviali ašukancy
U Minsku 68‑hadovaja supracoŭnica adnaho sa staličnych univiersitetaŭ stała achviaraj machlarstva, straciła ŭvieś svoj aščadak i kvateru. Złačyncy vykarystali papularnuju schiemu «fejkavy bos», jakaja pačałasia z paviedamleńnia ŭ miesiendžary.
Žančyna atrymała hałasavoje paviedamleńnie ad nibyta rektara VNU z patrabavańniem vykonvać usie zahady supracoŭnikaŭ adździeła finansavych rasśledavańniaŭ — va ŭniviersitecie byccam idzie śledstva. Nieŭzabavie ź joj źviazalisia machlary, jakija zajavili, što minčanka prachodzić padazravanaj pa spravie ab admyvańni hrošaj, i zahadali joj terminova «zadekłaravać» hatoŭku.
Žančyna pavieryła, što ŭ Nacyjanalnym banku pravodzicca dystancyjnaja inkasacyja, vyviezła za horad kala 25 tysiač dalaraŭ i pakinuła ich u pryznačanym miescy pad kamieniem.
Paśla hetaha afierysty pierakanali jaje pradać kvateru, arhumientujučy heta tym, što majomaść treba vyratavać ad realizacyi na čornym rynku. Atrymanyja ad prodažu 105 tysiač dalaraŭ minčanka taksama adviezła ŭ Minski rajon i pakinuła kala śmietnicy.
Na hetym machlary nie spynilisia i zapatrabavali vystavić na prodaž haraž, adnak u hetym vypadku žančyna admoviłasia. Zamiest hetaha jana pazyčyła ŭ svajho sužyciela 4500 jeŭra i pieraviała ich na ŭkazanyja złačyncami bankaŭskija karty.
Abman raskryŭsia tolki tady, kali ŭ kvateru pryjechaŭ novy zakonny ŭładalnik i paprasiŭ byłuju haspadyniu vyvieźci rečy.
Kamientary