Na sustrečy biełarusaŭ Paŭnočnaj Amieryki zaklikali stvaryć Suśvietny biełaruski kanhres
5—7 vieraśnia ŭ Ńju-Jorku prajšła 36‑ja Sustreča biełarusaŭ Paŭnočnaj Amieryki — najstarejšy rehularny forum biełaruskaj dyjaspary ZŠA i Kanady, što ładzicca raz na dva hady.
Jak paviedamiŭ Svabodzie ŭdzielnik padziei Aleś Kot, 36‑ia Sustreča biełarusaŭ Paŭnočnaj Amieryki vystupiła ź inicyjatyvaj raspačać pracu nad stvareńniem Suśvietnaha biełaruskaha kanhresu. Na forumie taksama abmierkavali mižnarodnuju supracu biełaruskaj dyjaspary, biełaruskuju prysutnaść u sučasnaj infarmacyjnaj prastory.
«Padziei ŭ Biełarusi i śviecie, pahrozy biełaruskaj dziaržaŭnaści, novaja chvala emihracyi i značnaje pašyreńnie biełaruskaj prysutnaści ŭ roznych krainach pastavili pierad udzielnikami pytańnie nie tolki pra zachavańnie tradycyjnych asiarodkaŭ, ale i pra novyja formy supolnaha dziejańnia i adkaznaści za budučyniu Biełarusi», — paviedamiŭ udzielnik forumu Aleś Kot.
Havorka išła pra kansalidacyju biełaruskaj dyjaspary i stvareńnie stałaha miechanizmu suviazi pamiž biełaruskimi arhanizacyjami roznych krain. Udzielniki pryjšli da vysnovy: suśvietnaja biełaruskaja supolnaść maje značny čałaviečy, prafiesijny i arhanizacyjny patencyjał, adnak rehularnyja suviazi i abmien infarmacyjaj pamiž jaje asiarodkami zastajucca niedastatkovymi.
Udzielniki sustrečy paličyli metazhodnym vynieści ideju Suśvietnaha biełaruskaha kanhresu na bolš šyrokaje abmierkavańnie.
Hetaja dumka znajšła adlustravańnie ŭ rezalucyi 36‑j Sustrečy, u jakoj adznačana, što «va ŭmovach, kali miljony biełarusaŭ pazbaŭlenyja mahčymaści svabodna ŭdzielničać u hramadskim i palityčnym žyćci svajoj krainy, asablivuju vahu maje biełaruskaja dyjaspara jak nieadjemnaja častka biełaruskaj nacyi».
Ad imia ŭdzielnikaŭ 36‑j Sustrečy biełarusaŭ Paŭnočnaj Amieryki prahučaŭ zaklik: «Dzie b my ni žyli, my zastajemsia adnoj Biełaruskaj Nacyjaj. Nivodnaja biełaruskaja supolnaść na čužynie nikoli nie moža stać zamienaj Biełarusi. Naša Baćkaŭščyna — u Biełarusi».
Adnym ź instrumientaŭ biełaruskaha jadnańnia prapanujecca zrabić Suśvietny biełaruski kanhres.
Madel, struktura, paŭnamoctvy i pryncypy pradstaŭnictva kanhresu pakul nie vyznačanyja. Hetyja pytańni prapanujecca vynieści na šyrokaje abmierkavańnie biełaruskaj dyjaspary.
-
Na Forumie Astrožskich u Kijevie abmierkavali prablemy biełarusaŭ va Ukrainie
-
Dalnaboja z Baranavičaŭ, ciozku pa proźviščy niamieckaj kanclerki, asudzili za «padrychtoŭku da arhanizacyi masavych biesparadkaŭ»
-
Kavieryn zadumaŭsia, čamu b Cichanoŭskaj nie raździecca, kab pryciahnuć uvahu da Biełarusi. U šoku byli ŭsie
Ciapier čytajuć
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma14
Kamientary