Tramp zajaviŭ, što Izrail i «Chiezbała» pahadzilisia spynić bajavyja dziejańni, a pierahavory ź Iranam praciahvajucca
Prezident ZŠA Donald Tramp zajaviŭ, što pravioŭ pierahavory z premjer-ministram Izraila Bińjaminam Nietańjachu, a taksama pradstaŭnikami «Chiezbały», i pierakanaŭ baki ŭ nieabchodnaści deeskałacyi. Pavodle jaho słoŭ, izrailski premjer pahadziŭsia nie nakiroŭvać vojski ŭ paŭdniovuju častku Biejruta, a livanskaja hrupoŭka paabiacała spynić napady, piša VVS.
«U mianie adbyłasia vielmi pradukcyjnaja razmova z premjer-ministram Izraila Bibi Nietańjachu: vojski ŭ Biejrut nie pojduć, a tyja, što ŭžo byli ŭ darozie, raźviernuty. Akramia taho, praz vysokapastaŭlenych pradstaŭnikoŭ ja pravioŭ vielmi kanstruktyŭnuju razmovu z «Chiezbałoj», i jany pahadzilisia, što ŭsie bajavyja dziejańni buduć spynieny — Izrail nie budzie napadać na ich, a jany nie buduć napadać na Izrail», — napisaŭ jon u svajoj sacsietcy Truth Social.
U inšym paście jon zajaviŭ, što pierahavory ź Iranam praciahvajucca ŭ intensiŭnym režymie.
Raniej u paniadziełak iranskaje infarmacyjnaje ahienctva Tasnim paviedamiła, što pierahavornaja hrupa Tehierana spyniaje ŭsie kantakty z ZŠA praz pasiarednikaŭ z-za atak na Livan.
«Uličvajučy praciahłyja napady izrailskaha režymu ŭ Livanie, a taksama toje, što Livan byŭ adnoj z papiarednich umoŭ spynieńnia ahniu — jakoje ciapier parušana pa ŭsich kirunkach, uklučajučy Livan, — iranskaja pierahavornaja delehacyja prypyniaje pierahavory i abmien paviedamleńniami praz pasiarednikaŭ», — havorycca ŭ paviedamleńni.
Kamientujučy hetyja paviedamleńni, Tramp zajaviŭ, što Iran nie prainfarmavaŭ Vašynhton pra svajo rašeńnie.
«Heta całkam darečnaja zajava, bo jany lepš viaduć pierahavory, čym vajujuć, — skazaŭ jon u karotkim kamientaryi. — Ale jany nas pra heta nie prainfarmavali».
«Kali ščyra, ja liču, što my zanadta šmat havaryli. Dumaju, było b vielmi dobra prosta pamaŭčać», — dadaŭ amierykanski lidar.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary