Pavodle danych BarthHaas Report 2025/26, u 2025 hodzie ŭ Biełarusi vyrabili 381,5 miljona litraŭ piva. Pa hetym pakazčyku kraina zaniała 60‑je miesca ŭ suśvietnym rejtynhu. U paraŭnańni z 2024 hodam vytvorčaść źniziłasia na 3,5 miljona litraŭ, abo prykładna na 0,9%. U papiarednim rejtynhu Biełaruś zajmała 58‑je miesca, piša Thinktanks.pro.
BarthHaas — niamieckaja kampanija, jakaja źjaŭlajecca adnym z najbujniejšych suśvietnych pastaŭščykoŭ chmielu.Štohod jana publikuje spravazdaču pra stan suśvietnaha rynku piva i pivavarnaj haliny, jakaja ličycca adnoj z asnoŭnych krynic statystyki pa vytvorčaści piva ŭ roznych krainach.
Našy krainy-susiedzi ŭ rejtynhu vytvorcaŭ piva raźmiaścilisia nastupnym čynam:
- Rasija — 5‑ie miesca (9,01 młrd litraŭ);
- Polšča — 13‑ie miesca (3,21 młrd litraŭ);
- Ukraina — 32‑ie miesca (1,34 młrd litraŭ);
- Litva — 70‑ie miesca (310 młn litraŭ);
- Łatvija — 111‑ie miesca (75 młn litraŭ).
Suśvietnaja vytvorčaść piva skaraciłasia na 0,7% u 2025 hodzie i skłała 189,6 miljarda litraŭ. Na piać najbujniejšych vytvorcaŭ letaś prypadała amal pałova suśvietnaj vytvorčaści piva — 48,5%.
Lidaram zastajecca Kitaj — 35,4 miljarda litraŭ, abo 18,7% suśvietnaj vytvorčaści. Dalej iduć ZŠA — 17,5 miljarda litraŭ (9,2%), Brazilija — 15,1 miljarda litraŭ (8,0%), Mieksika — 14,8 miljarda litraŭ (7,8%), Rasija — 9,0 miljardaŭ litraŭ (4,8%).
«Sała z chlebam i krab ź ikroj mohuć być adnolkava smačnymi». Pra hety restaran havoryć uvieś Instagram
U Biełarusi moža źjavicca maroziva sa smakam salonych ahurkoŭ — užo jość dyzajn upakoŭki
Ci možna pić biezałkaholnaje piva na plažy, patłumačyli ŭ milicyi
U Rasii vypuścili piva «Minskaje Staličnaje»
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary