Паводле даных BarthHaas Report 2025/26, у 2025 годзе ў Беларусі вырабілі 381,5 мільёна літраў піва. Па гэтым паказчыку краіна заняла 60‑е месца ў сусветным рэйтынгу. У параўнанні з 2024 годам вытворчасць знізілася на 3,5 мільёна літраў, або прыкладна на 0,9%. У папярэднім рэйтынгу Беларусь займала 58‑е месца, піша Thinktanks.pro.
BarthHaas — нямецкая кампанія, якая з'яўляецца адным з найбуйнейшых сусветных пастаўшчыкоў хмелю.Штогод яна публікуе справаздачу пра стан сусветнага рынку піва і піваварнай галіны, якая лічыцца адной з асноўных крыніц статыстыкі па вытворчасці піва ў розных краінах.
Нашы краіны-суседзі ў рэйтынгу вытворцаў піва размясціліся наступным чынам:
- Расія — 5‑е месца (9,01 млрд літраў);
- Польшча — 13‑е месца (3,21 млрд літраў);
- Украіна — 32‑е месца (1,34 млрд літраў);
- Літва — 70‑е месца (310 млн літраў);
- Латвія — 111‑е месца (75 млн літраў).
Сусветная вытворчасць піва скарацілася на 0,7% у 2025 годзе і склала 189,6 мільярда літраў. На пяць найбуйнейшых вытворцаў летась прыпадала амаль палова сусветнай вытворчасці піва — 48,5%.
Лідарам застаецца Кітай — 35,4 мільярда літраў, або 18,7% сусветнай вытворчасці. Далей ідуць ЗША — 17,5 мільярда літраў (9,2%), Бразілія — 15,1 мільярда літраў (8,0%), Мексіка — 14,8 мільярда літраў (7,8%), Расія — 9,0 мільярдаў літраў (4,8%).
Цяпер чытаюць
«Калі вы пазакрываеце я**льнікі»: злоўлены на допінгу амапавец з Гродна паказаў сваё высокакультурнае аблічча13
Каментары