Ministr zamiežnych spraŭ Irana: Armuzski praliŭ zakryty tolki dla vorahaŭ, astatnija mohuć prachodzić
Ministr zamiežnych spraŭ Irana Abas Arahčy ŭ intervju amierykanskamu libieralnamu telekanału Ms Now raskazaŭ pra situacyju ŭ krainie i vakoł Armuzskaha praliva.
Abas Arahčy zajaviŭ, što ŭ novaha viarchoŭnaha lidara Irana Madžtaby Chamieniei nibyta niama nijakich prablem sa zdaroŭjem, niahledziačy na čutki pra jaho ranieńnie. Pavodle słoŭ ministra, kiraŭnik dziaržavy praciahvaje vykonvać svaje abaviazki i budzie rabić heta dalej.
Havoračy pra Armuzski praliŭ, Arahčy adznačyŭ, što hety važny marski šlach u cełym zastajecca adkrytym dla sudnachodstva. Adnak iranskija ŭłady nie dazvalajuć prachod praź jaho tankieram i sudnam tych krain, jakija ličać varožymi. Dla astatnich karabloŭ, pa jaho słovach, ruch praz praliŭ nibyta nie abmiežavany.
«Armuzski praliŭ adkryty, jon zakryty tolki dla tankieraŭ i sudnaŭ, jakija naležać našym voraham. Astatnija mohuć prachodzić, ale, viadoma, mnohija addajuć pieravahu nie rabić hetaha ź mierkavańniaŭ biaśpieki. Mahu tolki skazać, što praliŭ zakryty tolki dla amierykanskich, izrailskich sudnaŭ i tankieraŭ», — zajaviŭ Arahčy.
Iranski ministr taksama prakamientavaŭ udary pa abjektach u rehijonie. Jon śćviardžaje, što Iran nanosić udary pa amierykanskich bazach i inšych abjektach ZŠA, jakija raźmiaščajucca na terytoryi susiednich dziaržaŭ. Pry hetym Arahčy abvinavaciŭ Vašynhton u atakach na cyvilnyja abjekty ŭ Iranie, choć amierykanski bok heta nieadnarazova admaŭlaŭ.
Jon zajaviŭ, što iranskija vajskoŭcy daduć adkaz na amierykanskija ŭdary pa abjektach na vostravie Chark. Pavodle jaho słoŭ, dziejańni ŭ adkaz mohuć być nakiravanyja suprać enierhietyčnaj infrastruktury na Blizkim Uschodzie, jakaja źviazanaja z ZŠA.
Jon taksama śćviardžaje, što rakietnyja ŭdary pa vostravie Chark z vykarystańniem sistem HIMARS byli naniesienyja ź dźviuch łakacyj na terytoryi Abjadnanych Arabskich Emirataŭ.
Akramia taho, kiraŭnik iranskaha MZS padkreśliŭ, što Rasija i Kitaj zastajucca dla Irana važnymi stratehičnymi partniorami.
Iran staŭ bić pa adździaleńniach amierykanskich bankaŭ na Blizkim Uschodzie
Tramp zaklikaŭ krainy, jakija paciarpieli ad zakryćcia Armuzskaha praliva, nakiravać tudy vajskovyja karabli
Tehieran: Terytoryja Ukrainy stała zakonnaj cellu dla Irana
CHAMAS zaklikaŭ Iran ustrymacca ad zapusku rakiet i bieśpiłotnikaŭ pa krainach Piersidskaha zaliva
ZŠA atakavali vostraŭ Chark u Piersidskim zalivie. Praź jaho prachodzić 90% iranskaha ekspartu nafty
Ekśpiert nazvaŭ try scenaryi zaviaršeńnia vajny suprać Irana
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary