Źjaviŭsia resurs, dzie možna zručna pravieryć čałavieka ci kanał pa śpisie ekstremistaŭ
Jak heta pracuje?
Źjaviŭsia novy resurs, dzie možna chutka pravieryć, ci jość peŭny čałaviek, kanał ci arhanizacyja ŭ bazach ekstremistaŭ, jakija składajuć ułady.
Resurs, stvorany aktyvistami, nazyvajecca ekstremisty.xyz. Kab znajści toje, što vas cikavić, uviadzicie ŭ pošuku nazvu ci apisańnie kanała, proźvišča čałavieka.
Baza na sajcie apieratyŭna abnaŭlajecca, kali papaŭniajucca śpisy ekstremistaŭ.
Sajt kožnuju noč zapampoŭvaje dakumienty z sajtaŭ Mininfarma i MUS i abnaŭlaje status (ale, zrazumieła, što novyja imiony i nazvy ŭ bazach ekstremistaŭ źjaŭlajucca nie kožny dzień).
«My nie viedajem, što ci kaho vy šukajecie: kali vy adčyniajecie staronku sa śpisam, my ściahvajem usie zapisy, tamu, kali vy šukajecie štości, nam nie treba nikudy dasyłać vaš zapyt, usio adbyvajecca ŭ vašym braŭzery. Kab pravieryć, vy možacie vyklučyć wi-fi pierad pošukam. Nijakaha trekinhu ŭ nas niama i nie budzie», — paviedamlajecca na sajcie.
«Ekstremisckimi» ŭłady Biełarusi ličać niezaležnyja kanały, ŚMI, u śpis ekstremistaŭ taksama traplajuć usie, chto asudžany pa kryminalnaj spravie za palityku.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB21
Kamientary