Minzdaroŭja prakamientavała situacyju ź niebiaśpiečnym virusam «nipach», jaki fiksujecca ŭ Paŭdniova-Uschodniaj Azii i dało rekamiendacyi.
Ryzyka raspaŭsiudžvańnia virusu Nipach na terytoryi Biełarusi minimalnaja, a vypadkaŭ zavozu zachvorvańnia, vyklikanaha hetym virusam, u Biełaruś nie zafiksavana.
Suśvietnaja arhanizacyja achovy zdaroŭja kłasifikuje virus «nipach» jak patahien vysokaj ryzyki z epidemičnym patencyjałam. Zachvorvańnie, vyklikanaje hetym virusam, u čałavieka moža prajaŭlacca pa-roznamu — ad bieśsimptomnaha stanu da vostrych formaŭ, jakija chutka raźvivajucca.
U miežach prafiłaktyki Ministerstva achovy zdaroŭja rekamienduje turystam, jakija nakiroŭvajucca ŭ krainy Paŭdniova-Uschodniaj Azii i Afryki:
- — paźbiahać kantaktaŭ z chvorymi žyviołami, asabliva ź latučymi lisicami i kažanami;
- — paźbiahać ščylnaha fizičnaha kantaktu ź ludźmi, jakija majuć prykmiety infiekcyjnych zachvorvańniaŭ;
- — staranna myć ruki z myłam i vykarystoŭvać antysieptyčnyja srodki;
- — myć sadavinu i harodninu pierad užyvańniem;
- — paźbiahać užyvańnia vady ź niepravieranych krynic
U vypadku źjaŭleńnia prykmiet zachvorvańnia nieabchodna nieadkładna źviarnucca da doktara.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary