Litoŭski błohier paskardziŭsia, što «Naša Niva» niapravilna pierakazała jaho dyjałoh sa Sparyšam. Kamisija pa etycy stała na bok «NN»
«Etyčnych parušeńniaŭ u publikacyi niama».
Kamisija pa etycy hramadskaha infarmavańnia Litvy razhledzieła skarhu błohiera Daminikasa Čyvilisa na publikacyju «Našaj Nivy» «Sparyš pajšoŭ da litoŭskich radykałaŭ hramić Cichanoŭskuju. U vyniku vysłuchaŭ pra «biełaruski nacyzm» i «pravasłaŭny zbrod», jakaja była apublikavanaja 28 sakavika 2026 hoda.
Na pasiadžeńni 14 lipienia kamisija źviarnuła ŭvahu, što ŭ publikacyi było vykazana mierkavańnie, a sam tekst vyjšaŭ u adpaviednaj rubrycy partała, dzie publikujucca dyskusijnyja i publicystyčnyja materyjały, palityčnyja i navukovyja sprečki.
Da taho ž «Naša Niva» Čyvilisu dvojčy prapanoŭvała vykazać svajo mierkavańnie ŭ adkaz, ale jon admoviŭsia.
Členy kamisii adznačyli, što zajaŭniku varta było skarystacca pravam na adkaz, bo «dyjałoh treba raźvivać zaŭsiody, navat u samych ciažkich dyskusijach».
Nichto z členaŭ kamisii parušeńniaŭ etyki ŭ publikacyi nie ŭbačyŭ. Ahulnaj zhodaj kamisija vyrašyła: normy etyki hramadskaha infarmavańnia ŭ materyjale «Našaj Nivy» parušanyja nie byli.
Raniej Kamisija pa etycy pryniała anałahičnaje rašeńnie pa skarzie Volhi Karač: parušeńniaŭ etyki taksama nie vyjavili.
Siarhiej Sparyš — były palitviazień. Žyvie ŭ Litvie paśla departacyi ź Biełarusi. U biełaruskim apazicyjnym poli jon dałučyŭsia da płyni, jakaja radykalna krytykuje Ofis Cichanoŭskaj. Akramia taho, Sparyš uvajšoŭ u kaalicyju z Volhaj Karač.
Ciapier čytajuć
Pamiłavanyja 15 čałaviek, siarod jakich 13 palitviaźniaŭ11
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
[Zredahavana]