Minhandlu pravieryła sietku kram «Śviatłafor» i ŭsiudy znajšło parušeńni
Ministerstva antymanapolnaha rehulavańnia i handlu Biełarusi (MARH) praviało kantrolna-analityčnyja mierapryjemstvy ŭ kramach sietki žorstkich dyskaŭntaraŭ «Śviatłafor». Pravierki byli arhanizavanyja paśla zvarotaŭ hramadzian, u tym liku atrymanych praź internet.
U viedamstvie paviedamili, što parušeńni znajšli va ŭsich pravieranych handlovych abjektach.
Najbolš raspaŭsiudžanymi parušeńniami stali adsutnaść abaviazkovaha asartymientu tavaraŭ, adsutnaść ceńnikaŭ abo nieabchodnaj infarmacyi pra pradukcyju. Akramia taho, u prodažy znachodzili tavary z praterminavanym terminam prydatnaści.
Tak, u kramie ŭ Ivanavie Bresckaj vobłaści z prodažu źniali try vidy miasnoj pradukcyi ahulnaj masaj bolš za 94 kiłahramy i koštam zvyš 760 biełaruskich rubloŭ.
U inšych vypadkach u prodažy znachodzilisia pradukty biez paznačeńnia terminaŭ prydatnaści, siarod jakich byli miasny farš, kandytarskija vyraby i syry. Padobnyja parušeńni zafiksavali taksama ŭ Minsku.
Pa vynikach pravierak MARH vydaŭ pradpryjemstvu rekamiendacyi pa likvidacyi vyjaŭlenych niedachopaŭ, a taksama pradpisańnie ab zabaronie realizacyi asobnych tavaraŭ. U viedamstvie paviedamili, što jurydyčnaja asoba budzie pryciahnutaja da administracyjnaj adkaznaści.
Pavodle infarmacyi MARH, u Biełarusi sietka «Śviatłafor» naličvaje kala 190 mahazinaŭ. Jana była zasnavanaja ŭ Krasnajarskim krai Rasii i pracuje taksama ŭ inšych krainach. Uładalnikami sietki źjaŭlajecca siamja Šnajderaŭ, jakaja pieryjadyčna ŭvachodzić u rejtynhi samych zamožnych pradprymalnikaŭ pavodle viersii Forbes.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć11
Kamientary
Heta nijaki nie "Śviatłafor", heta maskalski "Śvietofor" - u ich navat na aficyjnym sajcie niama ni "śviatłaforaŭ", ni navat biełaruskaje movy i pracujuć na hetaj terytoryi jany mienavita pad rasiejskaju nazvaju "Śvietofor" i šyłdy na ich kramach taksama napisanyja mienavita "Sajetofor". Navat pa pryviedzienaj spasyłcy zhadany tolki i mienavita "Śvietofor" (ja maŭču ŭžo što tam uvieś artykuł ad pačatku i da apošniaje kropki taksama na rasiejskaj).
Što za durnaja maniera pierakładać nazvy rasiejskich kampanij na biełaruskuju? Čamu astatnich nie pierakładziecie? Naprykład Microsoft - "Drobnamiakki", Safeway - "Biaśpiečny Šlach", Carrefour - "Rostań", cudoŭna ž budzie, praŭda? Kali nie - čym heta mienavita rasiejskija kantory tak adznačylisia što ich raptam treba nieadkładna "abiełaruščvać". Heta niejkaja infarmacyjnaja kampanija kab zrabić ich bolš "svojskimi" dla biełarusaŭ i kab jany bolš nie vyhladali jak akupanty i pryšłyja čužyncy?
I navat zhodna takoj lohicy - čamu nie pierakładajecie Wildberries na jakijaś "Dzikajahady", "Lenta" - "Stužka", "Zarubiežniefť" - "Zamiežžanafta", "Ałmaz-Antiej" - "Dyjament-Antej"... Heta ž uvohule biazhłuździca atrymlivajecca - rasiejski "Śvietofor" pierakładać, a rasiejski ž "Wildberries" - nie.
[Zredahavana]