U Pinskim rajonie małady mužčyna zahinuŭ ad vybuchu bojeprypasu časoŭ Druhoj suśvietnaj vajny
U Pinskim rajonie śledčyja vyśviatlajuć abstaviny hibieli 28‑hadovaha žychara ahraharadka Parochansk, jaki zahinuŭ u vyniku vybuchu bojeprypasu časoŭ Druhoj suśvietnaj vajny.
Jak paviedamili ŭ Śledčym kamitecie, mužčyna zachaplaŭsia pošukam artefaktaŭ vajennaha času. Pavodle infarmacyi śledstva, asablivuju cikavaść jon prajaŭlaŭ da vybuchovaniebiaśpiečnych pradmietaŭ, a znojdzienyja bojeprypasy prynosiŭ da siabie ŭ dvor.
Uviečary 26 lipienia susiedzi pačuli huki ŭdaraŭ pa mietale. Praź niekatory čas adbyŭsia vybuch.
Ad atrymanych traŭmaŭ mužčyna zahinuŭ na miescy. Miedyki, jakija prybyli pa vykliku, tolki kanstatavali śmierć.
Na miescy zdareńnia pracavała śledča-apieratyŭnaja hrupa. Padčas ahladu byli vyjaŭlenyja askiepki vybuchnułaha bojeprypasu, hilzy i elemienty min. Dla vyznačeńnia typu vybuchovaj pryłady i pryčyn jaje detanacyi pryznačanyja adpaviednyja ekśpiertyzy. Pravierka pa fakcie zdareńnia praciahvajecca.
Śpiecyjalisty nahadvajuć, što navat praz bolš jak 80 hadoŭ paśla zakančeńnia Druhoj suśvietnaj vajny na terytoryi Biełarusi rehularna znachodziać nierazarvanyja bojeprypasy. Ich vyjaŭlajuć padčas sielskahaspadarčych rabot, budaŭnictva, pošukavych ekśpiedycyj, a taksama ŭ lasach i na palach.
Ratavalniki i sapiory padkreślivajuć, što lubyja snarady, miny, hranaty ci inšyja padazronyja mietaličnyja pradmiety mohuć zastavacca śmiarotna niebiaśpiečnymi niezaležna ad taho, kolki hadoŭ jany pralažali ŭ ziamli.
Pry vyjaŭleńni takich znachodak nieabchodna nie čapać i nie pieramiaščać ich, nie sprabavać raźbirać samastojna, adyści na biaśpiečnuju adlehłaść i paviedamić pra znachodku ŭ ekstranyja słužby pa telefonach 101 abo 102.
Navat mocna praržaviełyja bojeprypasy mohuć vybuchnuć ad udaru, nahrevu abo sproby ich razabrać. Tamu ŭsie raboty z takimi pradmietami pavinny vykonvać vyklučna śpiecyjalisty-sapiory.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2020
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki20
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary