Pastprad Biełarusi ŭ AAN sustreniecca z Koŭłam i pieradaść jamu pasłańnie ad Łukašenki
Valancin Rybakoŭ taksama nie vyklučyŭ novaha pryjezda Džona Koŭła ŭ Minsk. I dadaŭ, što sustrakajecca sa śpiecpradstaŭnikom ZŠA «raz na tydzień — dziesiać dzion».
Pastajanny pradstaŭnik Biełarusi pry AAN Valencin Rybakoŭ paśla dakładu ŭ Alaksandra Łukašenki anansavaŭ svaju chutkuju sustreču sa śpiecpasłańnikam prezidenta ZŠA Džonam Koŭłam.
U najbližejšyja dni Rybakoŭ płanuje viarnucca ŭ Ńju-Jork dla asabistaj sustrečy z Koŭłam. Jon adznačaje, što pasłańnie ad Łukašenki budzie jamu pieradadziena. «Budziem čakać vynikaŭ», — dadaŭ jon.
Dypłamat paviedamiŭ, što «litaralna niekalki dzion tamu byli sfarmulavanyja čarhovyja peŭnyja prapanovy ZŠA ŭ naš adras», ź jakimi Łukašenka aznajomiŭsia i «daŭ adpaviednyja daručeńni tym strukturam, jakija pavinny zajmacca realizacyjaj hetych prapanoŭ».
Kamientujučy mahčymy farmat dalejšaha ŭzajemadziejańnia, pastprad zajaviŭ, što ciapier abmiarkoŭvajucca pytańni, jakija možna vyrašyć u dvuchbakovych adnosinach, nastupnyja kroki, jakija abodva baki mohuć i pavinny zrabić paśla jaho papiaredniaha vizitu.
«Mahčyma, havorka pojdzie pra niejkija nastupnyja vizity. Ja zaraz nie budu ahučvać kankretnyja rečy ci daty», — skazaŭ jon.
Pry hetym Rybakoŭ padkreśliŭ, što dyjałoh z Vašynhtonam praciahvajecca, a sami «kantakty z amierykanskim bokam nosiać vielmi ŭstojlivy i rehularny charaktar».
«Našy kantakty z amierykanskim bokam pradaŭžajucca, majuć vielmi ŭstojlivy i rehularny charaktar, — zajaviŭ Valancin Rybakoŭ. — Faktyčna raz na tydzień — dziesiać dzion u mianie prachodziać sustrečy sa spadarom Koŭłam — asnoŭnym pierahavorščykam z amierykanskaha boku i inšymi pradstaŭnikami».
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary
Primieniajetsia eto začastuju dla oborzievšich opponientov-kołchoźnikov, žłobov.)))