Hiendyrektar «Biełtelekama» Alaksiej Ivaškin źniaty z pasady, jon nie pracuje na pradpryjemstvie z 23 studzienia, daviedałasia «Lusterka».
Atrymanuju ad ułasnaj krynicy vydańnia infarmacyju ŭ pryjomnaj «Biełtelekama» paćvierdzili žurnalistcy «Lusterka», jakaja patelefanavała na pradpryjemstva jak zvyčajnaja hramadzianka z pytańniem, ci možna zapisacca na asabisty pryjom da hiendyrektara Ivaškina. Akazałasia, heta niemahčyma:
«Hiendyrektar užo nie pracuje ź piatnicy [23 studzienia]», — paviedamili ŭ pryjomnaj.
Tam nie ŭdakładnili, pa jakoj pryčynie Alaksiej Ivaškin pakinuŭ pasadu. Jaho pierajemnik pakul nie pryznačany. Na sajcie pradpryjemstva sa staronki «kiraŭnictva» Ivaškin źnik — tam ciapier niama ni fatahrafii, ni proźvišča hiendyrektara.
Alaksiej Ivaškin byŭ pryznačany na pasadu hienieralnaha dyrektara respublikanskaha ŭnitarnaha pradpryjemstva elektrasuviazi «Biełtelekam» u lipieni 2024 hoda. Ministr suviazi i infarmatyzacyi Kanstancin Šulhan, pradstaŭlajučy novaha kiraŭnika kalektyvu, «vykazaŭ upeŭnienaść u paśpiachovaj pracy Alaksieja Ivaškina na novaj pasadzie, adznačyŭšy jaho fundamientalnuju adukacyju, techničnyja viedy, dośvied mižnarodnaj dziejnaści i hłybokaje razumieńnie raźvićcia haliny».
Alaksiej Ivaškin naradziŭsia ŭ Minsku ŭ 1982 hodzie. Da pryznačeńnia hienieralnym dyrektaram RUP «Biełtelekam» kiravaŭ respublikanskim unitarnym pradpryjemstvam pa nahladzie za elektrasuviaźziu «BiełDIE». U 2001 hodzie skončyŭ Vyšejšy kaledž suviazi, u 2004‑m — Biełaruski dziaržaŭny ŭniviersitet infarmatyki i radyjoelektroniki, u 2012 hodzie — Akademiju kiravańnia pry prezidencie Respubliki Biełaruś.
Siła tyktoka. Žančyna paskardziłasia na pavolny internet ad «Biełtelekama» — tam raptam adreahavali
«Internet u kankretnaha abanienta moža stać jašče bolš pavolnym». Kamu dapamohuć štrafy za drennuju suviaź?
«Narešcie!» Ludzi na ŭra ŭspryniali navinu ab uviadzieńni štrafaŭ za słaby internet i prapanujuć, ź jakoha apieratara pačać
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki42
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary
Pieriestanovka krovatiej v bordiele v samom razharie.