«Narešcie!» Ludzi na ŭra ŭspryniali navinu ab uviadzieńni štrafaŭ za słaby internet i prapanujuć, ź jakoha apieratara pačać
Infarmacyja pra toje, što Minsuviazi źbirajecca štrafavać pastaŭščykoŭ internetu za nizkuju jakaść pasłuhi, vyklikała burnaje abmierkavańnie. Ludzi masava skardziacca na jakaść suviazi.
Adpaviedny rolik u tyktoku za dva dni nabraŭ amal 31 tysiaču łajkaŭ, byŭ 16 tysiač razoŭ pierapoščany i sabraŭ amal 2400 kamientaryjaŭ.
Lidarami pa kolkaści łajkaŭ stali kamientary, aŭtary jakich dziviacca z taho, što dziaržava sapraŭdy budzie štrafavać svaich ža.
Tak zaŭvaha-pytańnie «Dziaržava budzie štrafavać dziaržaŭny «Biełtelekam» i «Vobłačnyja technałohii»?» nabrała amal 4500 łajkaŭ.
A pytańnie-prapanova «Buduć štrafavać MTS? Daŭno para» — bolš za 3000 łajkaŭ.
Na trecim miescy (zvyš 1200 łajkaŭ) — zaŭvaha pra jakaść internetu ŭ apieratara A1.
«A1 u apošni čas naohuł žudasny internet. Napeŭna, budu pierachodzić na MTS», — napisaŭ adzin z hledačoŭ i atrymaŭ adkaz:
«Nie varta. MTS takoje ž dno».
Pra toje, što ŭ MTS nie lepšaja internet-suviaź, śviedčać i inšyja:
«Ja spadziajusia, MTS pieršy ŭ śpisie na štraf?».
«MTS uvohule apošnim časam žudasny. I suviaź, i internet. A hrošy dziaruć vialikija»
«MTS na rajonie tolki 3G ciahnie».
«Pačnicie z «Biełtelekama»
Masava narakajuć i na «Biełtelekam»:
«Pačnicie z «Biełtelekama», kali łaska, ludzi dobryja».
«Apošnim časam telebačańnie ZALA ad «Biełtelekama» niemahčyma hladzieć, kanały łahajuć. Pra internet paśla 22:00 uvohule maŭču, ledź ciahnie».
«Płacim za «Biełtelekam» 40‑50 rubloŭ u miesiac, internet 6 Mbit/s, dziakujem vielmi, što da kuchni nie dastaje, i chatni internet jość tolki ŭ adnym pakoi».
«Paśla 7‑j viečara «Biełtelekam» nie daje dobraha złučeńnia. MTS u domie ŭžo nie łović».
«Łajf daŭno para»
Jość pretenzii i da Łajfa.
«Łajf daŭno para».
«Łajf nidzie nie łović, a kali i łović, to ničoha nie hruzić».
Pa krainie 3G, miescami 2G
Hledačy pryvodziać prykłady chutkaści internetu.
«U mianie naohuł byvaje, internet sam adklučajecca, a potym praz 3‑5 siekund uklučajecca, dy i idzie jon sam žudasna, pa 400 Kbit/s, byvaje, navat i 1 Kbit/s».
«Pa krainie 3G, miescami 2G, a płatu biaruć spraŭna. Na A1 naohuł žach, a nie internet».
«4G+ (usie pałački jość) — i chutkaść internetu: 1,7‑2 Mbit/s».
«Achachach, 4G+ i chutkaść pieradačy 80 Kbit/s, tak što tabie jašče pašancavała».
«Navat hetaje videa hladžu z łahami».
«Narešcie. Niaŭžo»
Hledačy vykazvajuć spadziavańnie, što situacyja źmienicca da lepšaha paśla ŭviadzieńnia štrafaŭ:
«Narešcie, a to płaciš za samy chutkasny internet, a atrymlivaješ žudasnuju jakaść».
«Niaŭžo, spadziajusia, Biełtelekam adnović svaju chutkaść, a to ja pakul nie razumieju, za što płaču kala 100 rubloŭ u miesiac».
Niechta aŭtarytetna zaŭvažaje:
«Kažuć, što nie mohuć z-za sankcyj u Jeŭropie kupić abstalavańnie, dyk u čym prablema ŭ kitajcaŭ kupić? U ich 5G-vyški ŭžo daŭno pradajucca, i telefony z 5G, a ŭ nas vyšej za LTE niama, choć jany ž nam i pradajuć svaje telefony z 5G».
Karystalniki ź inšych krain vykazvajuć zachapleńnie navacyjaj biełaruskich čynoŭnikaŭ:
«Pakul u Rasii zabivajuć internet, Biełaruś jaho adnaŭlaje», — zaŭvažaje adzin z čytačoŭ.
«Jašče adna takaja navina, i ja kuplaju bilet u Biełaruś».
«U Kazachstan by takoje!»
«U Rasiju b takija zakony!»
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
U mianie Biełtelekam. Na noucie staić pryłada, jakaja fiksuje realnuju chutkaść internietu. Abiacanyja 100mbit/s ja realna baču. Pry hetym, nam usim, treba pamiatać, što chutkaść internietu heta nie tolki Biełtelekam, ale i chutkaść ź jakoj sajt, na jakim vy znachodzicieś, addaje vam infarmacyju.
U mianie ad Biełtelekama tolki dobryja emocyi.
A1, kak-be zakonsiervirovałsia, bo ź Jeurapiejskaj Austryi, a tam nie vsio odnoznačno, kak s postavkami oborudovanija (inviesticijami), sankcii tak skazať i prietienzii pavodyra postojannyje.
MTS - otstojnik russkoho mira Rośsii i FSB Rośsii v RB, v usłovijach vojny Rośsii s Ukrainoj nie do novoho oborudovanija (inviesticii), a v śvietie raźvitija mobilnoho intiernieta v Rośsii, hdie povalno načali błokirovať po biełym śpiskam s žiostkim podhladyvanijem v zamočnuju skvažinu, to nie zachočieš ni chorošieho pokrytija, ni vysokoj skorosti.
Biełtielekom i vsie dočki Biełtielekoma, - kontora pavodyra, no, s dostupom k oborudovaniju i inviesticijam, jesť takije žie pooblemy, kak u A1 i MTS, no, jesť hośbiudžiet, poetomu vsio možiet byť...
I pośledniaja problema, no, -samaja hłavnaja, dla vsiech ihrokov, - sistiema DPI, kotoraja dušit trafik, osobienno pri pikovych nahruzkach v viečiernieje vriemia, prazdničnyje i vychodnyje dni, eto nikak nie pobiediť, vied́ pavodyr očań silno napuhan 2020 hodom.
Vyvod: šansy nulevyje na vysokuju skorosť i kačiestviennuju śviaź.