«Biełtelekam» nazvaŭ stanoŭčy momant internet-manapolii
Pradstaŭniki nacyjanalnaha apieratara suviazi «Biełtelekam» dali razhornutaje intervju partału Onliner.by.
Pa słovach načalnika ŭpraŭleńnia ŭzajemadziejańnia z apieratarami «Biełtelekama» Siarhieja Siamionava, nacyjanalny apieratar daŭno nie źjaŭlajecca manapalistam na biełaruskaj internet-prastory.
Akramia «Biełtelekama» prava na propusk źniešniaha trafiku majuć jašče dźvie kampanii: «Nacyjanalny centr abmienu trafikam» (NCAT) i «Biełaruskija vobłačnyja technałohii». Zasnavalnikam pieršaj źjaŭlajecca Apieratyŭna-analityčny centr pry prezidencie (AAC), zasnavalnikam druhoj – NCAT. Prava na propusk źniešniaha trafiku nadadziena pastanovaj AAC.
Ale «Biełtelekam» zastajecca najbujniejšym pastaŭščykom źniešniaha (zamiežnaha) trafiku inšym pravajderam i najbujniejšym internet-pravajderam Biełarusi.
«Abyvacieli daremna ŭpeŭnienyja, što kali razvalić BTK, ź internetam stanie ŭsio vydatna, – skazaŭ namieśnik hiendyrektara pa kamiercyjnych pytańniach Siarhiej Turmoša pra zakliki da demanapalizacyi. Stanoŭčy momant «manapolii» zaklučajecca ŭ tym, što mnohija zamiežnyja partniory hatovyja pracavać tolki z bujnymi pravajderami. Siońnia arhanizavać styki, jakija zabiaśpiečvaje «Biełtelekam», pamiž usimi apieratarami nie zmoža ni adna pryvatnaja kampanija. Tolki bujny apieratar ŭnutry krainy zabiaśpiečyć pramy styk ź lubym resursam. Vy nie zmožacie źviazacca z «UKantakcie» naŭprost, kali nie harantujecie jamu ŭtylizacyju 20 Hbit/s».
Pavodle słoŭ Siarhieja Siamionava, paśla demanapalizacyi «Ukrtelekama» va Ŭkrainie nie było zbudavana nivodnaj mahistralnaj optavałakonnaj linii – zatraty nadta vialikija dla pryvatnych arhanizacyj.
«Vystaŭlać «Biełtelekam» voraham chutkaha i tannaha internetu ŭ krainie prosta hłupstva. Kali b biełarusy spažyvali ŭnutrany kantent, usio «lotała» by na maksimalnych chutkaściach», – śćviardžaje Turmoša. U adroźnieńnie ad Rasii i navat Ukrainy, biełarusy spažyvajuć pieravažna zamiežny, nie biełaruski trafik (u adnosinach 1:10), tamu «Biełtelekam» zaležny ad pazicyj i cen zamiežnych kampanij.
Akramia taho, načalnik centru kiravańnia sietkami telekamunikacyj «Biełtelekama» Ihar Kirejeŭ raspavioŭ, što ŭ chutkim časie ŭ Biełarusi źjaviacca keš-sierviery Youtube. Heta razhruzić źniešni šluz, a značyć zrobić chutčejšym nie tolki dostup da videa na Youtube, ale i da inšych zamiežnych resursaŭ.
Ciapier čytajuć
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch55
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch5
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary